Дибала Месси ва Роналду ўртасидаги фарқни тушунтирди

«Ювентус» клуби ва Аргентина терма жамоаси ҳужумчиси Пауло Дибала клубдаги жамоадоши Криштиану Роналду ва терма жамоадаги сафдоши Лионель Месси ҳақидаги фикрлари билан ўртоқлашди.

«Мен Месси ва Роналдудан бирор нарса ўрганиш имкониятига эга бўлган дунёдаги ягона футболчиман. Уларнинг орасида фарқ кўрмаяпман, ҳар иккаласи ҳам ажойиб футболчи.

Криштиану Роналду машғулотларда тўхтовсиз ишлайди, у ғалабага жуда чанқоқ. Албатта бундай футболчининг жамоада борлиги натижасида, бошқалар камроқ ўйин амалиётига эга бўлади. Аммо муҳими - жамоанинг ғалабасидир», — деб Дибала сўзларини келтирмоқда Football Italia.