Германия терма жамоаси яримҳимоячиси Тони Кроос ЖЧ-2018 гуруҳ босқичидан ўрин олган Жанубий Кореяга (0:2) қарши ўйиндан сўнг, бразилиялик мухлислар томонидан оммавий тарзда калака қилинди.
2017 йил 1 январь куни Кроос твиттерда янги йил табригини жойлаштириб, «Омадли 201:7 билан!!» деб ёзган эди. Бунда, 1 ва 7 рақамлари ўрнига Бразилия ва Германия байроқлари жойлаштирилган бўлиб, бразилияликларнинг ЖЧ-2014 яримфиналидаги немислардан учраган шармандали мағлубиятига ишора бор эди.
Германия терма жамоаси Жанубий Кореяга 0:2 ҳисобида ютқазиб, жаҳон чемпионатини тарк этгач, бразилиялик мухлислардан бири ўша твитга жавобан, «Омадли 2:018 билан!!» деб ёзди ва дастлабки иккита рақам ўрнига Жанубий Корея билан Германия байроғини жойлаштирди.
