Ҳиндистондаги поезд ҳалокати оқибатида қурбон бўлганлар сони 90 нафардан ошди

Ҳиндистон шимолида ҳаракатланиш чоғида йўловчи поезднинг 14 вагони издан чиқиб кетиши оқибатида ҳалок бўлганлар сони 91 нафарни ташкил қилмоқда. Шунингдек, 150 нафардан ортиқ киши жароҳатланган.

Хабар қилинишича, ҳодиса жойида қутқарувчилар иш олиб бормоқда.

«Биз тунги соат 3да қаттиқ силкинишдан уйғониб кетдик. Бир қанча вагонлар издан чиқиб, ағдарилган, одамлар карахт аҳволга тушганди. Мен кўплаб жонсиз жасадларни кўрдим»,— деган ҳалокатдан омон қолган йўловчилардан бири.

Ҳодиса Пукраян шаҳри яқинида рўй берган. Ҳодиса сабаби аниқ эмас, баъзи манбаларга кўра, рельсдаги бузилишлар ҳалокатни келтириб чиқарган.

Бундан олдинроқ, ушбу ҳодиса 63 кишини ҳаётдан олиб кетгани ҳақида хабар берилганди.

{Yii::t(}

Ўтказиб юбориш 6s

Ўтказиб юбориш