Yerevan Boku bilan YeXHT Minsk guruhini tarqatib yuborish shartini muhokama qilmoqda

Armaniston va Ozarboyjon Yevropada xavfsizlik va hamkorlik tashkiloti (YeXHT)ning Tog‘li Qorabog‘ mojarosini tartibga solish bo‘yicha Minsk guruhini tarqatib yuborish shartlarini faol muhokama qilmoqda, Armaniston bosh vaziri Nikol Pashinyanning matbuot kotibi Nazeli Bagdasaryan.

«Minsk guruhi mexanizmlarini tarqatib yuborish va tinchlik bitimini imzolash masalasiga kelsak, bu Armaniston Respublikasi uchun aniq kun tartibi va hozirda bu qanday sharoitlarda amalga oshishi mumkinligi haqida faol muhokamalar olib borilmoqda», dedi u "Armenpress" agentligiga.

YeXHTning Minsk guruhi 1992 yilda Tog‘li Qorabog‘ mojarosini hal qilish uchun tuzilgan. Guruhning hamraislari Rossiya, AQSh va Fransiyadir. Shuningdek, Germaniya, Belarus, Italiya, Turkiya, Finlandiya, Shvetsiya hamda Ozarboyjon va Armanistonning o‘zi ham unga kiradi.

YeXHT Minsk guruhining tarqatib yuborilishi Ozarboyjonning Armaniston bilan tinchlik shartnomasini imzolashi uchun ikkita shartdan biridir. Pashinyan aprel oyida parlamentda nutq so‘zlab, Bokuga bir vaqtning o‘zida tinchlik bitimini ham, YeXHT Minsk guruhini tarqatib yuborish haqidagi bayonotni ham imzolashni taklif qilgan edi. Uning faoliyati 2022 yildan boshlab amalda to‘xtatildi, chunki hamraislar o‘zaro aloqalarini to‘xtatdi.