Soha vakillari: Germaniya dronlar hujumidan o‘zini himoya qila olmaydi

Germaniya aviatsiya-kosmik sanoati federal assotsiatsiyasining Germaniya hukumatiga yo‘llagan maktubiga ko‘ra, Germaniyada uchuvchisiz uchoqlarga qarshi turish uchun ham texnologik yechimlar, ham qonunchilik bazasi yo‘q.

Mahalliy aerokosmik sanoat vakillarining fikricha, Germaniya o‘z infratuzilmasini dushman dronlaridan samarali himoya qila olmaydi. Germaniya aviatsiya-kosmik sanoati federal assotsiatsiyasi (BDLI)ning Germaniya hukumatiga yo‘llagan «tezkor xati»ga ko‘ra, texnologik yechimlar ham, zarur huquqiy baza ham yetishmayapti.

BDLI ma’lumotlariga ko‘ra, dronlarga qarshi kurashish sohasida turli vakolatli organlar o‘rtasidagi hamkorlik yetarli emas va o‘ta murakkab. Bir necha hafta davomida Manxingdagi harbiy aeroport uzra uchuvchisiz uchoqlar noqonuniy parvozlarini aniqlash va oldini olish imkoni bo‘lmadi, deyiladi xatda.

BDLI ijrochi direktori Mariye-Kristine fon Xan shunday dedi: «Dushman razvedkachi dronlarining tez-tez politsiya aviatsiya tizimlari signallarini tutib olishi bizning qonun ustuvorligi bilan boshqariladigan o‘zini o‘zi mudofaa qiluvchi davlat sifatidagi imijimizga ziddir». U turli idoralar o‘rtasida yaqin hamkorlikni va yangi mudofaa texnologiyalarini rivojlantirishni davlat tomonidan qo‘llab-quvvatlashga chaqirdi.

Kompaniyalar, shuningdek, AQShda rivojlanishning ilg‘or bosqichida bo‘lgan va tez orada foydalanishga topshiriladigan kooperativ jangovar dronlar (CCA)ni rivojlantirish zarurligini bildirdi. Germaniyaning jangovar tayyorgarligini tezda oshirish uchun ushbu uchish tizimlarini chet eldan ham sotib olish kerak.

#Germaniya #dron