Qoʻshimcha funksionallar
-
Tungi ko‘rinish
"Moskva-Siti"da VTB dronlar tahdidi tufayli masofaviy ishlashga o‘tdi
VTB banki o‘zining "Moskva-Siti"dagi markaziy ofisi xodimlarini Ukraina dronlarining hujumlari xavfi tufayli masofaviy ish formatiga o‘tkazishi haqida ma’lum qildi.
Foto: Mixail Tereshchenko/ TASS
11 iyul, juma kuni kechqurun VTB banki rahbariyati o‘zining «Moskva-Siti» biznes kvartalida "Zapad" minorasidagi markaziy ofisi xodimlari aksariyatini Ukraina dronlarining hujumlari xavfi tufayli masofaviy ish formatiga o‘tkazishi haqida xabar berdi. Bu haqda The Bell 14 iyul, dushanba kuni bankka yaqin ikki manbaga va "Siti"da ofisi bo‘lgan boshqa kompaniya xodimiga tayanib xabar berdi. O‘sha kuni jurnalist Kseniya Sobchak o‘zining Telegram-kanalida «Ostorojno Media» manbalariga tayangan holda bu haqda yozdi.
The Bell manbasiga ko‘ra, bank bo‘linmalariga ofisda xodimlarning 20 foizini qoldirishga ruxsat berilgan. Cheklovlar ikki haftaga joriy etildi. Kseniya Sobchak ham xuddi shunday muddat haqida yozgan. Biroq, u o‘z postida «masofadan ishlash yoz oxirigacha uzaytirilishi mumkinligini» inkor etmadi.
Sobchakning so‘zlariga ko‘ra, ba’zi kompaniyalar «xavf unchalik jiddiy emas» degan qarorga kelgan va xodimlarga faqat tungi vaqtda ofislarga borishni taqiqlagan. Ofisi "Moskva-Siti"da joylashgan vazirliklardan biri, shuningdek, Ozon va "Sber"dagi The Bell manbalari hozircha hech qanday cheklovlar kiritilmaganini aytdi.
VTB matbuot xizmati The Bell so‘roviga javob bermadi.
Rossiya-Ukraina urushi
Mavzuga oid
15:27
Kreml Trampning yangi bayonotlarini tahlil qilish uchun vaqt kerakligini qayd etdi
15:24
Migrantlarga Rossiyaga kirishda tibbiy ma’lumotnoma taqdim etish majburiyati yuklanishi mumkin
14:51
Ukraina tashqi ishlar vaziri o‘rinbosari: Istanbul formati «o‘z ma’nosini yo‘qotdi»
13:39