Qoʻshimcha funksionallar
-
Tungi ko‘rinish
Surxondaryoda Bobotog‘ kanaliga suv chiqaruvchi quvur yorilib ketdi
Jarqo‘rg‘on tumanida nasos stansiyasi orqali Amu Zang kanalidan Bobotog‘ kanaliga suv chiqaruvchi 2840 millimetrli quvurda yoriq yuzaga keldi. Mas’ullar avariyani bartaraf etdi, hodisa oqibatida tan jarohati olganlar yo‘q.

Foto: Videodan kadr
Surxondaryo viloyati Favqulodda vaziyatlar boshqarmasi Bobotog‘ kanalida sodir bo‘lgan avariya yuzasidan ma’lumot berdi.
Qayd etilishicha, 30 iyun kuni soat taxminan 12:50 larda Jarqo‘rg‘on tumanida Amu Zang kanalidan «Bobotog‘» nasos stansiyasi orqali Bobotog‘ kanaliga suv chiqaruvchi 2840 millimetrli quvurda yorilish yuzaga kelgan.
Sodir bo‘lgan avariyani bartaraf etishga Amu Surxon irrigatsiya tizimlari havza boshqarmasi huzuridagi nasos stansiyalari va energetika boshqarmasi bazasidan 1 ta kran, 1 ta «Kamaz», 2 ta traktor va 12 nafar ishchi xodim jalb qilingan.
Avariya soat 21:00 da bartaraf etilib, 21:20 da nasos stansiyasi ishga tushirilgan.
«Ushbu vaziyat bo‘yicha aholi va aholi yashash xonadonlariga, uy hayvonlariga zarar yetmagan. Tan jarohati olganlar yo‘q», - deyiladi xabarda.
Mavzuga oid

23:11 / 23.07.2025
Surxon davlat qo‘riqxonasida yirik yong‘in boshlandi

10:08 / 16.07.2025
Surxondaryoda bo‘g‘ma va kobra ilonlar tabiatga qo‘yib yuborildi

14:44 / 14.07.2025
Surxondaryoda uchta yangi sayyohlik markazi barpo etiladi

20:36 / 04.07.2025