Transafg‘on loyihasi 2027 yilda ishga tushirilishi rejalashtirilyapti

Jumladan, ushbu mamlakatning Afghanistan milliy TV va Ishonch TV telekanallari hamda Tolo news axborot agentligi tomonidan mazkur tadbirga bag‘ishlangan teledasturlar va maqolalar e’lon qilindi.

Tolo news axborot agentligi tarqatgan maqolada O‘zbekiston tashqi ishlar vaziri Baxtiyor Saidov Dehlida bo‘lib o‘tgan "Markaziy Osiyo –Hindiston" to‘rtinchi vazirlar uchrashuvi va ishbilarmonlar kengashi yig‘ilishida Transafg‘on loyihasi mintaqa mamlakatlari uchun muhimligini ta’kidlagani qayd etilgan.

"O‘zbekiston TIV rahbari mazkur loyiha Markaziy va Janubiy Osiyo o‘rtasidagi eng qisqa transport yo‘nalishiga aylanishi va mintaqa davlatlarining savdo-sotiq hajmini oshirishga zamin yaratishi mumkinligini aytib o‘tdi", – deyilgan nashrda

Maqolada yozilishicha, mazkur loyiha Afg‘oniston hududi bo‘ylab 573 kilometrni tashkil etadi va mamlakat loyihaning amalga oshirilishidan manfaatdor. "Mahalliy iqtisodiy ekspertlar, Transafg‘on loyihasining amalga oshirilishini savdo, tranzit va mintaqaviy hamkorlikni rivojlantirish uchun muhim qadam deb hisoblamoqda. Xususan, iqtisodiy tahlilchi Mir Shokir Yoqubiyning aytishicha, ushbu loyiha Afg‘onistonni mintaqadagi iqtisodiy ahamiyatini oshiradi va qo‘shni davlatlar bilan savdo aloqalarini mustahkamlaydi. Afg‘onistonning bir nechta cheklangan portlarga qaramligini kamaytiradi va yirik global bozorlar va portlarga kirishni osonlashtiradi".

Afg‘oniston OAV Transafg‘on loyihasi Markaziy va Janubiy Osiyoni dunyoning boshqa mintaqalari bilan tranzit orqali bog‘lashga qaratilganini, uning qiymati salkam 7 milliard AQSh dollariga baholanayotganini va loyiha 2027 yilda ishga tushirilishi rejalashtirilganini ma’lum qilgan.