Tramp amaldorlarga Signal messnejyeridan foydalanmaslikni tavsiya qildi

AQSh prezidenti Donald Tramp The Atlantic’ka bergan intervyusida Signal messenjerining ikkita chatida ma’lumotlar sizib chiqqani to‘g‘risidagi xabarlarga izoh berdi.

Nashrning yozishicha, Amerika prezidenti o‘z ma’muriyati xodimlariga maxfiy ma’lumotlar muhokamasida messenjerdan foydalanmaslikni tavsiya qilgan.

«Balki shunchaki Signal’dan foydalanmaslik kerakdir, ok?», — deydi Donald Tramp. 

Shuningdek, AQSh prezidenti Pentagon rahbari Pit Hegset «es-hushini yig‘ib olishiga» umid bildirdi. OAV ma’lumotlariga ko‘ra, Hegset AQSh Harbiy-havo kuchlarining husiylarga hujumini xotini, akasi va advokati bo‘lgan chatda muhokama qilgan. Shu bilan birga, Oq uy ushbu ma’lumotni rad etgan.

The New York Times, CNN va Reuters manbalarining ma’lum qilishicha, Pit Hegset AQSh zarbalarini o‘z nomzodi Kongressda tasdiqlanishidan oldin ochilgan Signal chatida muhokama qilgan. Ma’lumotlarga ko‘ra, suhbat davomida uning qarindoshlari va maslahatchilari harbiy samolyotlarning parvozlariga oid jadvallar bilan ham bo‘lishgan. 

Eslatib o‘tamiz, mart oyida Hegset Oq uyning yuqori martabali amaldorlari bilan Signal chatida Yamandagi husiylarga qarshi kampaniya tafsilotlarini baham ko‘rgani ma’lum bo‘lgandi, ular orasida tasodifan The Atlantic jurnali bosh muharriri Jyeffri Goldberg ham bo‘lgan. Uni chatga AQSh prezidentining milliy mudofaa bo‘yicha maslahatchisi Maykl Uolts tasofidan qo‘shgan. Chatda Amerika rasmiylari Yaman husiylariga qarshi harbiy operatsiyani muvofiqlashtirgan.