Qoʻshimcha funksionallar
-
Tungi ko‘rinish
Oq uy: Sumiga zarba - tinchlik zarurligi haqida eslatma
«Sumiga qilingan hujum Trampning bu dahshatli urushni tugatish borasidagi sa’y-harakatlari nima uchun muhim pallaga to‘g‘ri kelishini kuchli eslatdi», - dedi AQSh Milliy xavfsizlik kengashi vakili.
Foto: REUTERS
13 aprel, yakshanba kuni ertalab Ukrainaning Sumi shahriga qurolli kuchlar tomonidan berilgan raketa zarbasi, so‘nggi ma’lumotlarga ko‘ra, kamida 34 kishining hayotiga zomin bo‘lgani Ukrainadagi urushda tinchlik muzokaralari zarurligini «kuchli eslatdi». Bu haqda shu kuni, 13 aprel kechqurun AQSh Milliy xavfsizlik kengashining rasmiy vakili Brayan Xyuz bayonot berdi.
«Bugun Sumiga qilingan raketa hujumi prezident Donald Trampning bu dahshatli urushga barham berishga bo‘lgan urinishlari nima uchun hal qiluvchi pallaga to‘g‘ri kelgani haqida aniq va kuchli eslatma bo‘ldi», — deya uning so‘zlarini keltiradi AFP.
Avvalroq AQSh davlat kotibi Marko Rubio ham xuddi shunday fikrni aytgan edi. «Bu prezident Tramp va uning ma’muriyati nega urushni tugatish va mustahkam tinchlikka erishish uchun ko‘p vaqt va kuch sarflayotgani haqida fojiali eslatma», dedi u.
O‘z navbatida, AQSh prezidenti Donald Trampning Ukraina bo‘yicha maxsus vakili Kit Kellog o‘zining X mikroblogida: «Rossiya qo‘shinlarining yakshanba kuni Sumidagi fuqarolik obektlariga hujumi barcha odob-axloq chegaralarini kesib o‘tadi», deb yozdi.
«Sobiq harbiy sifatida men maqsadli zarbalar nima ekanligini tushunaman va ular noto‘g‘ri. Shuning uchun ham prezident Tramp bu urushni tugatish uchun qattiq harakat qilmoqda», — deya qo‘shimcha qildi u.
Donald Trampning o‘zi Rossiyaning Sumiga raketa zarbasini izohlar ekan, buni «dahshatli voqea» deb atadi.
Rossiya-Ukraina urushi
