Qoraqalpog‘istonda noqonuniy baliq ovlash natijasida 750 mln so‘m zarar yetkazildi

Qoraqalpog‘iston Respublikasining Taxiatosh tumanida joylashgan tabiiy ko‘lda 3 nafar fuqaro tomonidan noqonuniy ravishda taqiqlangan usulda baliq ovlanayotganligi aniqlandi.

Illyustrativ foto

Ekologiya vazirligi ma’lum qilishicha, jami 5 ta zog‘ora, 1 ta ilonbaliq, 195 ta do‘ngpeshona, 2 ta karas hamda 5 ta qilich baliq ovlanganligi ma’lum bo‘ldi.

Natijada tabiatga 752 mln 625 ming so‘m zarar yetkazilgan.

Holat yuzasidan hujjatlar rasmiylashtirilib, tergovga qadar tekshiruv ishlari olib borilmoqda.

#baliq #Qoraqalpog‘iston