Samarqandda kuchli ta’sir qiluvchi dori vositalari savdosi bilan shug‘ullanib kelgan shaxslar ushlandi
Aniqlangan holatlar yuzasidan Jinoyat kodeksining 251-1-moddasi bilan jinoyat ishlari qo‘zg‘atilib, tergov harakatlari o‘tkazilmoqda.

Foto: Prokuratura departamenti
Samarqand viloyati Bulung‘ur tumanida kuchli ta’sir qiluvchi dori vositalari savdosi bilan shug‘ullanib kelgan shaxslar ushlangan. Bu haqda Bosh prokuratura huzuridagi departament xabar bermoqda.
Ma’lum qilinishicha, departamentning Bulung‘ur tumani bo‘limi, DXX va IIB xodimlari hamkorligida o‘tkazilgan tezkor tadbirlarda kuchli ta’sir qiluvchi dori vositalari savdosi bilan shug‘ullanib kelgan, muqaddam sudlangan F.S. fuqaro D.B. bilan o‘zaro til biriktirib, 210 dona “Zardeks” nomli kuchli ta’sir qiluvchi dori vositasini 6 mln so‘mga sotgan vaqtida ashyoviy dalillar bilan ushlangan.
Shu kabi, muqaddam sudlangan fuqaro F.A. 500 dona “Zardeks” nomli dori vositasini fuqaro D.B.ga sotgan vaqtida ushlanib, uning xonadonidan o‘tkazish maqsadida saqlab kelingan 60 dona kuchli ta’sir qiluvchi dori vositalari ashyoviy dalil sifatida olingan.
Qayd etilishicha, mazkur holatlar yuzasidan Jinoyat kodeksining 251-1-moddasi (giyohvandlik vositalari, ularning analoglari yoki psixotrop moddalar hisoblanmaydigan kuchli ta’sir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga oid

12:46 / 16.03.2025
Chirchiqda ushlangan shaxsning uyidan qariyb 20 ming dona kuchli ta’sir qiluvchi dori topildi

10:46 / 14.03.2025
Ayrim dori vositalari davlat ro‘yxatidan o‘tkazmasdan qo‘llanadi

14:21 / 13.03.2025
Toshkentda shifobaxsh o‘simlikdan noyob dori vositasi ishlab chiqarilishi mumkin

12:27 / 13.03.2025