Kreml vakili Tramp tahdidiga javob qaytardi

AQSh prezidenti agar Ukrainadagi urushni to‘xtatmasa, Rossiyaga yangi sanksiyalar bilan tahdid qilgan edi.

Foto: Anadolu Agency

Rossiya prezidenti Vladimir Putinning matbuot kotibi Dmitriy Peskov AQSh prezidenti Donald Trampning murojaatiga javob qaytardi.

Avvalroq, Oq uyning yangi rahbari agar Ukrainadagi urushni to‘xtatmasa, Rossiyaga yangi sanksiyalar bilan tahdid qilgan edi.

Dmitriy Peskov bu bayonotda «hech qanday yangi elementlar yo‘qligini» aytdi.

«Rossiya Qo‘shma Shtatlar bilan teng, o‘zaro hurmatli muloqotga tayyor bo‘lib, undan yangi signallarni kutmoqda, biroq, hozircha bu signallar yo‘q. Kreml barcha bayonotlarni diqqat bilan kuzatmoqda va Trampning yangi sanksiyalar kiritishi haqidagi tahdidlarida biz hech qanday yangi elementlarni ko‘rmayapmiz. Tramp o‘zining birinchi prezidentlik davrida sanksiya usullariga eng ko‘p murojaat qilgan va bu usullarni yoqtiradi», dedi Peskov.

#AQSh #Rossiya #Dmitriy Peskov #Donald Tramp