Isroil HHK qo‘mondoni Yamandagi husiychilarga hujumlarni kuchaytirish bilan tahdid qildi
Yaman harakati Isroil markaziga ballistik raketa bilan hujum uyushtirishga urindi.

Foto: Anadolu Agency
Isroil Eron tomonidan qo‘llab-quvvatlangan Yamanning «Ansorulloh» harakati (husiychilar) pozitsiyalariga hujumlarni kuchaytiradi. Bu haqda mahalliy OAVga Isroil harbiy-havo kuchlari qo‘mondoni Tomer Bar ma’lum qildi.
Uning so‘zlariga ko‘ra, Isroil aviatsiyasi «kerak bo‘lganda havo hujumlari chastotasi va intensivligini oshirishda davom etadi».
So‘nggi kunlarda Isroil va husiychilar o‘rtasidagi qarama-qarshilik avj oldi. Yaman harakati Isroil markaziga ballistik raketa bilan hujum uyushtirishga urindi. Isroil armiyasi ma’lumotlariga ko‘ra, raketa Isroil havo hujumidan mudofaa kuchlari tomonidan tutib olingan.
19 dekabr kuni Isroil harbiy-havo kuchlari Yaman poytaxti Sano va Xodayda shahriga hujum qildi. Havo hujumlarida kamida 9 kishi halok bo‘lgan.
Mavzuga oid

09:49
Tramp: Isroil Eronga qo‘shma zarba berishda yetakchi bo‘ladi

09:15 / 09.04.2025
Isroil sudi ShABAK rahbarining ishdan olinishini vaqtinchalik blokladi

09:05 / 09.04.2025
Tramp Oq uyda matbuot ko‘z o‘ngida Netanyahuni tahqirladi - Isroil OAV

15:55 / 08.04.2025