Boltiqbo‘yi davlatlari NATOdagi ittifoqchilarini Kiyevga yordamni kuchaytirishga chaqirdi

Uch Boltiqbo‘yi davlati bosh vazirlari NATO bo‘yicha ittifoqchilarini Rossiya Federatsiyasining agressiyasini qaytarishda davom etayotgan Ukrainaga yordamni oshirishga chaqirdi. «Ukraina nafaqat omon qolishi, balki muzokaraga kirishgunga qadar vaziyatni o‘z foydasiga o‘zgartira olishi uchun uni qo‘llab-quvvatlashimizni kuchaytirishimiz kerak», dedi Litva bosh vaziri Ingrida Shimonite 22 noyabr, juma kuni Vilnyusda Estoniya va Latviyadan kelgan hamkasblari Kristen Mixal va Evika Silinya bilan uchrashuvdan so‘ng.

Yevropaning xavfsizligi Ukraina g‘alabasiga bog‘liq

Ukrainaning, NATOning sharqiy qanoti va Yevropaning xavfsizligi bevosita Ukraina g‘alabasiga, shuningdek, uning yevroatlantika integratsiyasiga bog‘liq, dedi Yevropa Ittifoqi va NATOning uch mamlakati hukumat rahbarlari.

Shimonite, Mixal va Silinya NATO davlatlari harbiy xarajatlarni yanada sezilarli darajada oshirishi kerakligini ham aytdi. «Alyans a’zolarining mudofaa xarajatlari uchun yalpi ichki mahsulotning uch foizini yoki undan ham ko‘prog‘ini eng yuqori chegara sifatida emas, balki pastki chegara sifatida belgilash kerak», — deydi ular.

NATOning rasmiy maqsadi mudofaa xarajatlarini YaIMning kamida 2 foiziga yetkazishdir. Uch Boltiqbo‘yi mamlakati ham yalpi ichki mahsulotning 3 foizdan ortig‘ini shu maqsadda sarflaydi.