Andijonda ehtiyot chorasi sifatida qamoqqa olingan shaxsni ozodlikka chiqarib bermoqchi bo‘lgan shaxs ushlandi

U avval 200 dollar olib, qolgan 1 000 dollarni olayotganida ushlangan.

Foto: Prokuratura departamenti

Bosh prokuratura huzuridagi departamentning xabar berishicha, departamentning Andijon viloyat boshqarmasi tomonidan tezkor tadbir o‘tkazilgan

Tadbirda fuqaro Sh.A. fuqaro F.S.ga o‘zining muqaddam IIBda ishlaganini aytib, ehtiyot chorasi sifatida qamoqqa olingan o‘g‘li A.S.ni sudda tanishlari yordamida ozodlikka chiqarib berishi evaziga 200 dollar olib, yana 1 000 dollar olgan vaqtida ashyoviy dalillar bilan ushlangan.

Ma’lum qilinishicha ushbu shaxs muqaddam tovlamachilik va boshqa jinoyatlari uchun sudlangan

Qayd etilishicha, mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

#Andijon #ozodlikka chiqish