Qashqadaryoda iste’molga yaroqsiz go‘sht to‘xtatib qolindi

Hodisa yuzasidan jinoyat ishi qo‘zg‘atilgan, tergov harakatlari olib borilmoqda.

Foto: Prokuratura departamenti

Bosh prokuratura huzuridagi departament matbuot xizmatining xabar berishicha, departamentning Ko‘kdala tuman bo‘limi va viloyat YHHB xodimlari hamkorlikda “Umakay” YPX maskanida tezkor tadbir o‘tkazilgan.

Tadbirda “Qarshi-Samarqand” yo‘nalishi bo‘yicha harakatlanayotgan Cobalt to‘xtatilib ko‘zdan kechirilganda, fuqaro S.Sh. xavfsizlik talablariga javob bermaydigan 225 kg iste’molga yaroqsiz qoramol go‘shtini o‘tkazish maqsadida olib ketayotgani aniqlangan.

Qayd etilishicha, mazkur holat yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishi qo‘zg‘atilib, tergov harakatlari o‘tkazilmoqda.

#Qashqadaryo #go‘sht