Institut rektori viloyat hokimiga yoshlar masalalari bo‘yicha o‘rinbosar bo‘ldi.
Komiljon Sobirovich Komilov Andijon viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari etib tayinlandi.
Komiljon Komilov 1980 yilda Oltinko‘l tumanida tug‘ilgan. 2000 yilda Andijon qishloq xo‘jaligi institutini hamda 2002 yilda Toshkent davlat agrar universitetini tamomlagan.
Mehnat faoliyatini o‘qituvchilikdan boshlab, ta’lim sohasida bir qancha rahbar lavozimlarida, xususan Toshkent davlat agrar universiteti Andijon filiali direktori bo‘lib ishlagan. 2020 yil yozida ushbu filial negizida Andijon qishloq xo‘jaligi va agrotexnologiyalari instituti tuzilgan, 2021 yil fevralida Komilov unda rektor sifatida ishlay boshlagan.
2022 yil fevralidan buyon Andijon viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimida ishlagan Nasibullo Mo‘minov Asaka tumani hokimi lavozimiga o‘tkazilgandi.
