Qoʻshimcha funksionallar
-
Tungi ko‘rinish
«Ertaga o‘zing borib, istagan mashinani tanlaysan». Andijon viloyati hokimi Hebayga avtomobil sovg‘a qilishini aytdi
Superliga 17-turi doirasidagi «Andijon» - «Olimpik» (2:1) o‘yinidan keyin Andijon viloyati hokimi Shuhrat Abdurahmonov stadionda futbolchilar bilan g‘alabani nishonlab, gol muallifiga aylangan Rubin Hebayga istalgan avtomashinasini borib tanlashini, qolganlarga esa «Iphone 14» smartfonlari sovg‘a qilinishini aytdi.
Foto: championaasia
«Futbolchilarga nimalarni va’da qilgan bo‘lsam, hammasini beraman», - dedi viloyat hokimi tribunadagi muxlislarga qarata mikrofon bilan.
So‘ng maydonda jamoaning albaniyalik legioneri Rubin Hebayni chaqirib, unga ertaga avtosalonga borib, istalgan avtomobilni tanlashi mumkinligini aytdi.
«Ertaga borib mashinani tanlasin. Sen mashinani orzu qilganmiding, ertaga borib o‘zing tanla. Sen qaysini tanlasang, gap bo‘lishi mumkinmas, beramiz. Qolganlarga «Ayfon 14», - deydi Shuhrat Abdurahmonov.
Ma’lumot uchun, «Andijon» klubi ushbu g‘alaba evaziga 24 ochko bilan 7-o‘rinda bormoqda.
Bir necha oy oldin klubga «UzAuto Motors» bosh homiyga aylangani xabar qilingan, «O‘zavtosanoat» rahbari Ulug‘bek Ro‘ziqulov «Andijon» jamoasi bilan uchrashgandi.
Mavzuga oid
22:19 / 14.07.2025
Andijonda hokim o‘rinbosari, statistika bo‘limi boshlig‘i va sobiq mansabdorlar pora bilan ushlandi
22:27 / 10.07.2025
Buloqboshida yana toshqin xavfi: aholi Janubiy Farg‘ona kanalida suv sathi ko‘tarilganidan xavotirda
12:15 / 10.07.2025
Andijonda chiqindidan elektr ishlab chiqaruvchi zavod qurilishi boshlandi
20:51 / 07.07.2025