Qoʻshimcha funksionallar
-
Tungi ko‘rinish
Shavkat Mirziyoyev 5 nafar ofitserga general unvonini berdi
Mudofaa vaziri, ichki ishlar vaziri va DXX raisining bir nafardan o‘rinbosarlari hamda ikki qo‘mondonga general-mayor unvoni berildi. Shuningdek, Bosh prokuror o‘rinbosarlaridan biri va Qoraqalpog‘iston prokuroriga “III darajali davlat adliya maslahatchisi” maxsus unvoni topshirildi.
Foto: Prezident matbuot xizmati
Qurolli Kuchlar Oliy Bosh qo‘mondoni Shavkat Mirziyoyev 14 yanvar – Vatan himoyachilari kuni arafasida harbiylar va huquqni muhofaza qiluvchi organlar xodimlaridan bir guruhiga yangi unvonlar berdi.
To‘rt nafar harbiy mulozim general-mayor harbiy unvonini oldi:
- mudofaa vazirining tarbiyaviy va mafkuraviy ishlar bo‘yicha o‘rinbosari polkovnik Qarshiyev Hamdam Aliqulovich;
- Markaziy harbiy okrug qo‘mondoni polkovnik Saidov Oybek Ozodovich;
- Shimoli-g‘arbiy harbiy okrug qo‘mondoni polkovnik Shermatov Farhodjon Ortiqovich;
- DXX raisi o‘rinbosari Muxtorov Farrux Shahobiddinovich.
Ichki ishlar vaziri o‘rinbosari – Jamoat xavfsizligi departamenti boshlig‘i Abdullayev Bekmurod Tojimirzayevich general-mayor maxsus unvonini oldi.
Bosh prokuror o‘rinbosari Yo‘ldoshev Erkin To‘raqulovich va Qoraqalpog‘iston Respublikasi prokurori Tojiyev Erkabay Aminovichga “III darajali davlat adliya maslahatchisi” maxsus unvoni (general-mayor unvoniga teng) topshirildi.
Harbiy unvonlarni Oliy Bosh Qo‘mondon Shavkat Mirziyoyev topshirdi.
Mavzuga oid
17:38 / 05.06.2025
Toshkentda o‘zini IIV mansabdori sifati tanishtirib, pul undirmoqchi bo‘lgan advokat ushlandi
09:25 / 05.06.2025
Yer maydonlarini 500 ming dollardan ortiq mablag‘ga sotmoqchi bo‘lganlar ushlandi
10:45 / 04.06.2025
Fuqarolarni noqonuniy yo‘llar bilan Hajga yubormoqchi bo‘lganlarga jinoyat ishi qo‘zg‘atildi
20:39 / 29.05.2025