Suriya aviakompaniyasi Minskka parvozlarni to‘xtatdi

Avvalroq Turkiyaning Turkish Airlines aviakompaniyasi Minskka reyslariga Iroq, Suriya va Yaman fuqarolarini olmasligini ma'lum qilgandi.

Foto: RIA "Novosti"

Suriyaning Cham Wings aviakompaniyasi Minskka parvozlarni to‘xtatishini e'lon qildi.

«Belarus-Polsha chegarasidagi og‘ir vaziyatni va Minskka uchayotgan aksariyat yo‘lovchilarning suriyaliklar ekanligi hamda ularning so‘nggi manzili Belarusligini aniqlash qiyinligini hisobga olib parvozlarni zudlik bilan to‘xtatamiz», — deyiladi aviakompaniya xabarida.

Avvalroq Turkiyaning Turkish Airlines aviakompaniyasi Minskka reyslariga Iroq, Suriya va Yaman fuqarolarini olmasligini ma'lum qilgandi.

Shuningdek, Iroqning Iraqi Airways milliy aviakompaniyasi Minskka parvozlarni tiklamaslikka qaror qildi.

#Suriya #Minsk #aviaparvoz