Qoʻshimcha funksionallar
-
Tungi ko‘rinish
AQSh harbiy-havo kuchlari shtabiga ilk bor afroamerikalik boshliq etib tayinlandi
AQSh harbiy-havo kuchlari shtabi boshlig‘i lavozimiga ilk bor afroamerikalik harbiy – general Charlz Braun tayinlandi.
The Hill nashrining xabar berishicha, Braun uchun AQSh senatining 98 a'zosi ovoz bergan. Braun nomzodini ushbu lavozimga AQSh prezidenti Donald Tramp taklif qilgan.
Braun iyunda iste'foga ketishi kutilayotgan general Devid Goldfin o‘rnini egallaydi.
Bundan tashqari, Braun afroamerikalik Kolin Pauelldan keyin shtab boshliqlari birlashgan qo‘mitasiga kirgan birinchi qora tanli bo‘ladi. Pauell ushbu qo‘mitada 1989-1993 yillarda rais lavozimini egallagan.
Ta'kidlanishicha, Braunning tayinlanishi qora tanli Jorj Floyd o‘limidan keyin AQShda o‘tayotgan ommaviy noroziliklar ortida yuz bergan.
Ma'lumotlarga ko‘ra, Charlz Braun AQSh harbiy-havo kuchlarining 4 ta yulduzli generali hisoblanadi. U yangi lavozimga tayinlanishidan oldin AQSh qurolli kuchlarining Hind-Tinch okeani qo‘mondonligiga rahbarlik qilgan va Markaziy qo‘mondonlik (SeNTKOM) boshlig‘i o‘rinbosari bo‘lgan.
Mavzuga oid
15:22 / 19.04.2025
Xitoy AQShdan suyultirilgan tabiiy gaz sotib olishni to‘xtatdi
13:03 / 19.04.2025
Safini kengaytirib olgan HAMAS, Ukraina shaharlariga raketa hujumi va Suriyadagi bazalarini yopayotgan AQSh - kun dayjesti
11:33 / 19.04.2025
Reuters: Eron AQSh bilan yangi yadroviy kelishuv uchun kafolatlar olishni istayapti
08:35 / 19.04.2025