Madaniyat vaziriga birinchi o‘rinbosar tayinlandi

Buxoro viloyati hokimi o‘rinbosari Jamol Nosirov madaniyat vazirining birinchi o‘rinbosari etib tayinlandi.

22 aprel kuni O‘zbekiston prezidenti qarori bilan Jamol Shuhratovich Nosirov Madaniyat vazirining birinchi o‘rinbosari etib tayinlandi.

Jamol Nosirov 1985 yilda Buxoro shahrida tavallud topgan. 2005 yili Buxoro davlat universitetining jismoniy madaniyat va jismoniy tarbiya o‘qituvchisi, psixolog mutaxassisligi bo‘yicha tamomlagan. 2008 yili esa universitetning magistraturasini tugatgan. Bir muddat «Kamolot» YoIH Buxoro viloyat Kengashi raisi lavozimida ham mehnat qilgan. Shundan so‘ng 27-Jilvon saylov okrugidan Oliy Majlis Qonunchilik palatasiga deputat etib saylangan edi.

Tadbirkorlar va ishbilarmonlar harakati – O‘zbekiston Liberal-Demokratik partiyasining fraksiyasi a'zosi bo‘lgan.

U 2017 yildan buyon Buxoro viloyati hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari lavozimida ishlab kelayotgandi.

#Madaniyat vazirligi #Jamol Nosirov