OAV: Ivanka Tramp Jahon banki rahbariga aylanishi mumkin

Foto: REUTERS/Yuri Gripas

AQSh prezidenti Donald Trampning qizi Ivanka Jahon banki rahbariga aylanishi mumkin. Bu haqda RIA «Novosti» Financial Times’ga tayangan holda xabar qilmoqda.

Shuningdek, ushbu lavozimga da'vogarlar orasida AQShning BMTdagi sobiq doimiy vakili Nikki Xeyli ham bor.

Qayd etilishicha, nashr ushbu ma'lumot manbasini ko‘rsatmagan.

Ta'kidlanishicha, Jahon bankining amaldagi rahbari Jim Yen Kim 1 fevral kuni o‘z lavozimini tark etadi. Ijrochi direktor Kristalina Georgiyeva tashkilot prezidenti vazifasini bajaruvchiga aylanadi.

Eslatib o‘tamiz, avvalroq Jahon banki dunyodagi iqtisodiy o‘sish prognozini pasaytirgani, ammo O‘zbekiston uchun prognozni tasdiqlagani xabar qilingandi.

#Jahon banki #Ivanka Tramp