Қўшимча функционаллар
-
Тунги кўриниш
Драйвер лойиҳаларни амалга ошириш тартиби белгиланди
Ҳукумат қарори билан “Туман (шаҳар)ларда иқтисодий ўсишга туртки берувчи драйвер лойиҳаларни шакллантириш ва амалга ошириш тартиби тўғрисида”ги низом тасдиқланди.
Фото: Shutterstock
Низомга кўра, драйвер лойиҳа ҳудуднинг захира ва имкониятларини ҳисобга олган ҳолда, маълум иқтисодий ўсишни ёки ўзгаришни юзага келтирадиган саноат, хизмат кўрсатиш ва қишлоқ хўжалигининг ривожланишига туртки берадиган лойиҳа ҳисобланади.
Драйвер лойиҳаларни шакллантириш, келишиш ва ишга тушириш туман (шаҳар) ҳокимлари томонидан амалга оширилади.
Бунда лойиҳалар ҳар йили 1 ноябргача туман (шаҳар) ҳокимликлари томонидан ишлаб чиқилади.
1 ҳафта муддатда лойиҳалар Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига киритилади.
Шундан сўнг, лойиҳалар 10 иш кунида Иқтисодиёт ва молия вазирлигига юборилади.
Иқтисодиёт ва молия вазирлиги 15 иш кунида драйвер лойиҳани жойига чиққан ҳолда ўрганади.
Лойиҳаларни амалга ошириш доирасида бош лойиҳачи ташкилотлар қонунчиликда белгиланган тартибда танлов (тендер) орқали аниқланади.
Драйвер лойиҳалар туман (шаҳар) ҳокимлиги томонидан тузиладиган далолатномага асосан фойдаланишга қабул қилинади ва амалга оширилган ҳисобланади.
Мавзуга оид
13:04 / 31.07.2025
Боласига зўравонлик қилганлардан фарзанди олиб қўйилиши мумкин
12:19 / 31.07.2025
Педагоглар ва ўқувчиларга дам олиш масканларига бепул йўлланма берилади
14:05 / 23.07.2025
Меҳнатни муҳофаза қилиш тизимига халқаро стандартлар жорий этилмоқда
15:52 / 07.07.2025