Америкаликлар ярим йиллик турғунликдан кейин қувноқ ҳаётига қайтмоқчи

Америкаликлар август ойида сайр-у саёҳатда бўлишни танлади. Йил бошидаги иқтисодий аҳволдан келиб чиқиб, кўпчилик ортиқча харажатларни йиғиштирганди. Бироқ АҚШ сайёҳлик бизнеслари, жумладан United Airlines, Southwest airlines, Hilton ва Wyndham меҳмонхона тармоқлари августдаги бронлардан анчагина хурсанд.

Фото: The Independent

АҚШ истеъмолчиларининг кайфияти июнь ойидаги инфляция, заифлашган АҚШ доллари ва Президент Доналд Трампнинг савдо уруши билан боғлиқ бўлган силкинишдан кейин июль ойида яна жойига қайтяпти. Reuters’нинг ёзишича, бу харажатларнинг ўсишига олиб келди, сайёҳлик компаниялари буюртмалар кўпайганини тасдиқлади ва энди тўртинчи чоракда даромаднинг кучли ўсиши кутиляпти.

"Ушбу ноаниқлик туфайли февраль ойининг бошларида талаб пасайган эди. Ҳозир эса талаб кучайганга ўхшайди", деди United airlines бош тижорат директори Эндрю Носелла.

АҚШнинг аксарият авиакомпаниялари ва меҳмонхона операторлари апрель ва май ойларида ўзларининг молиявий прогнозларини бекор қилишган ёки қисқартиришди. Чунки Президент Трампнинг савдо уруши саноатни COVID-19 пандемиясидан кейинги энг ноаниқ вақтга олиб келиб қўйди.

Шундай бўлса-да, иқтисодиёт доимий равишда ўзгариб бораётган тарифлар ландшафтида ва инфляция АҚШ Федерал резерви кутган 2% ставкасидан юқори бўлган шароитда – ноаниқлик ҳалиям кучли.

Wyndham меҳмонхона операторларининг таъкидлашича, Висконсин, Мичиган, Миннесота ва Миссури каби штатларда меҳмондўстлик саноатида жонланиш кузатилмоқда.

"Август ойида биз ёзги саёҳат мавсумини кучлироқ кўрамиз", деди молия директори Мишел Аллен.

American airlines эса август ва сентябрь ойларида даромадлар кетма-кет яхшиланишини кутаётганини айтди.

#АҚШ #саёҳат