Ироқдаги савдо марказида ёнғин: 80 га яқин киши ҳалок бўлган (видео)

Журналистлар маълумотига кўра, беш кун муқаддам очилган комплексдаги ёнғин чоршанба куни кечқурун бошланган, ҳозирга келиб у ўчирилган.

Ёнғин оқибатида 77 киши ҳалок бўлди, деб хабар бермоқда AFP агентлиги Ироқ ИИВ баёнотига таяниб, аммо фавқулодда хизматлар ҳали бедарак йўқолганларни қидириш билан машғул.

Маҳаллий INA телеканалида намойиш этилган кадрларда олов бинонинг бир неча қаватини қамраб олганини кўриш мумкин.

Ижтимоий тармоқларда тарқалган видеоларда ёнғин вақтида бино томига чиқиб олган одамларни кўриш мумкин.

Пайшанба кунги маълумотларга кўра, тез ёрдам машиналари ҳодиса жойидан жароҳатланганларни шифохоналарга ташишда давом этган.

Маҳаллий аҳоли вакилларидан бири, касби шифокор бўлган Носир ал-Кураши AFP мухбири билан суҳбатда ўз яқинлари ушбу ёнғин қурбони бўлишганини айтиб беришган. «Устимизга фалокат ёғилди. Биз егулик олиш учун савдо марказига боргандик. Уйимизда электр йўқлиги учун кечки овқатни шу ерда қилмоқчи эдик», деган бу гувоҳ.

«Иккинчи қаватда кондиционер портлади, кейин эса ёнғин бошланди ва биз чиқиб кетолмадик», — дейди ал-Кураши.

Ал-Кут шаҳри Бағдоддан 160 км жануби-шарқда жойлашган.

Бино эгасига қарши жиноий иш қўзғатилди.

Восит вилоятида қурбонлар хотирасига уч кунлик мотам эълон қилинди.