Қўшимча функционаллар
-
Тунги кўриниш
Россия думаси «чет эл агентлари» тўғрисидаги қонунчиликни яна кучайтирмоқда
Давлат думаси биринчи ўқишда қабул қилинган янги қонун лойиҳаси биринчи маъмурий ҳуқуқбузарликдан сўнг россиялик «чет эл агентлари»га нисбатан жиноий иш очишга имкон беради.
Фото: Олег Яковлев / РБК
Россия Давлат думаси биринчи ўқишда «чет эл агентлари»га нисбатан биринчи маъмурий ҳуқуқбузарликдан кейин жиноий иш қўзғатишга имкон берувчи қонун лойиҳасини қабул қилди. Овоз бериш 15 июл, сешанба куни бўлиб ўтди. Ташаббусни Давлат думасининг 342 нафар депутати қўллаб-қувватлади, фақат бир депутат қарши овоз берди.
Ўзгартиришлар Россия Жиноят кодексининг 330.1-моддаси 1- ва 2-қисмларига тегишли. Унда «Россия Федерациясининг чет эл агентлари тўғрисидаги қонун ҳужжатларида назарда тутилган мажбуриятларни бажаришдан бўйин товлаш» назарда тутилган. Бу икки йилгача қамоқ жазосига олиб келиши мумкин.
Давлат думасининг Хавфсизлик ва коррупцияга қарши кураш қўмитаси раҳбари Василий Пискаревнинг сўзларига кўра, 2023 йилдан 2025 йилгача Маъмурий жавобгарлик тўғрисидаги кодекснинг тегишли моддаси бўйича 1620 та маъмурий баённома тузилди. Қонун лойиҳасини ишлаб чиқувчилар тушунтириш хатида амалдаги қоидалар «жамоатчилик муносабатлари хавфсизлигини тўлиқ таъминламайди», деб таъкидлаган.
Улар Россия Адлия вазирлиги маълумотларига таянган, унга кўра «чет эл агентлари» реестрига киритилган шахсларнинг 40 фоиздан ортиғи қонун билан белгиланган чекловларга риоя қилмайди. Пискаревнинг таъкидлашича, бугунги кунда тегишли реестрда 803 нафар «чет эл агент» бор.
Мавзуга оид
16:31
«Ҳарбий ҳамкорлик режасига мувофиқ» — Сурхондарёда Ўзбекистон ва Россия ҳарбийлари машғулот бошлади
12:04
Россияда диверсия иши бўйича судланган 13 кишидан 3 нафарининг муддати қисқартирилди
11:27
Путиннинг маслаҳатчиси: АҚШ билан мулоқот давом этади
11:15