Қўшимча функционаллар
-
Тунги кўриниш
Пискентдаги автополигондан навбатсиз сертификат олингани тасдиқланди
Kun.uz Пискентдаги автополигонда 28 июнга навбати олинган автомобилга 20 май куни сертификат берилгани ва бу коррупциявий ҳолат билан боғлиқ бўлиши мумкинлиги ҳақида ёзганди. UzTest томонидан ўтказилган ички текширувда бу ўз тасдиғини топди. Электромагнит мослашувчанлик лабораториясининг икки ходимига нисбатан интизомий жазо қўлланди.

Фото: Видеодан кадр
Kun.uz «Пискентдаги автополигондан сертификат олишнинг «навбатсиз» йўллари ҳам борми?» сарлавҳали суриштирув эълон қилганди. Унда 28 июнга навбати олинган автомобилга 20 май куни сертификат берилгани ва бу коррупциявий ҳолат билан боғлиқ бўлиши мумкинлиги келтириб ўтилганди.
UzTest томонидан ўтказилган ички текширувга кўра, мазкур ҳолатда автотранспорт воситаларини синовдан ўтказиш бўйича жорий этилган электрон навбат тартибининг бузилгани аниқланган.
«Пискент туманида жойлашган электромагнит мослашувчанлик лабораторияси мутахассиси К.Ж. ҳамда иш юритувчи Б.С. томонидан электрон навбат тизимига зид равишда автотранспорт воситаси навбатсиз синовдан ўтказилган, шунингдек, синов учун олиб келинган намуналар аризачиларга ўз вақтида ва тўлиқ тақдим этилмаган», – дейилади Kun.uz'га тақдим этилган расмий муносабатда.
Текширув натижаларига кўра, юқорида номлари кўрсатилган ходимларнинг ўз хизмат вазифаларига лоқайд ёндашганликлари аниқланиб, уларга нисбатан интизомий чоралар кўрилган.
«Коррупциявий ҳолатларнинг олдини олиш мақсадида Теҳник жиҳатдан тартибга солиш агентлигининг «Tris.uz» миллий ахборот тизими такомиллаштирилди. Эндиликда Ягона интерактив давлат хизматлари портали (my.gov.uz) орқали олинган электрон навбат «Tris.uz» миллий ахборот тизимига интеграция қилинди. Натижада вақтидан олдин навбатсиз ўтиш имконияти чекланди», дея қўшимча қилинган давлат муассасаси изоҳида.
Мавзуга оид

20:03 / 22.07.2025
Kun.uz суриштирувларидан сўнг ишончномага автомобилни чет элга олиб чиқишга оид банд киритиш таклиф этилмоқда

12:30 / 19.07.2025
Юнусободда 5 кгдан ортиқ наркотиклар савдосининг олди олинди

17:34 / 17.07.2025
Пискентда банк кассири ҳайдовчилар тўлаган жаримани ўзлаштириб юборгани маълум бўлди

13:40 / 16.07.2025