Исроил армияси гуманитар ёрдамга навбатда турганларга яна ҳужум қилди

Ҳалок бўлганлар ва яраланганлар бор.

Фото: Anadolu Agency

Исроил армиясининг Ғазо сектори турли ҳудудларига берган зарбалари натижасида камида 6 нафар фаластинлик, жумладан, уч бола ҳалок бўлди.

Бу ҳақда Фаластиннинг WAFA расмий ахборот агентлиги хабар берди.

Хабарда айтилишича, зарбалардан бири эксклавнинг марказий қисмидаги тарқатиш пунктида гуманитар ёрдам олишни кутаётган бир гуруҳ фаластинликларга берилган. Икки фаластинлик ҳалок бўлди, 35 нафари яраланди. Жароҳатланганлардан 16 нафарининг аҳволи оғир деб баҳоланмоқда.

27 майдан бери Исроил БМТ ва халқаро гуманитар ташкилотларни четлаб ўтиб, Исроил ва АҚШ кўмагида яратилган Ғазо гуманитар ёрдам жамғармаси номли тузилма орқали инсонпарварлик ёрдамини тарқатмоқда.

Бироқ, бу тузилма БМТ томонидан тан олинмаган ва Фаластин гуруҳлари томонидан рад этилган. ҲАМАС уни «ўлим тузоғи» деб атайди.

#Исроил #Ғазо #сионизм

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.