Давлат департаменти бутун дунё бўйлаб АҚШ фуқароларига эҳтиёт бўлишни тавсия қилди

Давлат департаменти бутун дунё бўйлаб АҚШ фуқароларига эҳтиёткорликни кучайтиришни тавсия қилди.

Фото: KL / HB / CLH / Reuters

АҚШ Давлат департаменти хорижда яшовчи ёки саёҳат қилаётган америкалик фуқароларга огоҳлантириш бериб, Яқин Шарқдаги вазият туфайли эҳтиёткорликни кучайтиришни тавсия қилди.

«Исроил ва Эрон ўртасидаги можаро Яқин Шарқда транспорт ҳаракатида узилиш ва ҳаво ҳудудининг вақти-вақти билан ёпилишига олиб келди. Хорижда АҚШ фуқаролари ва манфаатларига қарши намойишлар ўтказилиши мумкин. Давлат департаменти бутун дунё бўйлаб АҚШ фуқароларига эҳтиёткорликни кучайтиришни тавсия қилади», — дейилади Давлат департаменти сайтида.

Унда АҚШнинг Эрондаги ядровий иншоотларга ҳужумлари ҳақида ҳеч қандай гап йўқ, деб ёзади AFP.

Огоҳлантириш бутун дунё бўйлаб амал қилади.

#АҚШ #Эрон #Яқин Шарқ