Қўшимча функционаллар
-
Тунги кўриниш
Эрондаги масжид узра қизил «қасос байроғи» кўтарилди
Рамзий тадбир Исроилнинг Эронга қилган ҳалокатли ҳужумларига қасос олиш шартлиги сифатида баҳоланади.
Фото: Global Look Press/Sobhan Farajvan
Эроннинг Қум шаҳрида жойлашган Жамкарон масжиди узра қизил «қасос байроғи» кўтарилди, деб хабар берди Tasnim агентлигига таяниб РИА Новости. Рамзий тадбир Исроилнинг Эронга қилган ҳалокатли ҳужумлари билан боғлиқ.
«Жамкарон жоме масжидининг фируза гумбази устига қизил байроқ кўтарилди, бу қон тўкилиши рамзи, халқ шафқатсиз қасос олишни талаб қилмоқда», дейилади хабарда.
Эронда қизил байроқ алоҳида ҳолатларда қон адоватига тайёрлик рамзи сифатида, кўпинча сиёсий-диний ишора сифатида кўтарилиши мумкин. Энг машҳур ҳолатлардан бири 2020 йил 4 январида генерал Қосим Сулаймоний (Ислом инқилоби қўриқчилари корпусининг Ал-Қудс кучлари бошлиғи) АҚШ томонидан Ироқда ўлдирилганидан кейин содир бўлган.
Қизил байроқни кўтариш уруш эълон қилиш эмас, балки қасос олиш таҳдидидир. Байроқ қон, қасос, ғазаб, қурбонликни англатувчи тўқ қизил рангга эга.
Мавзуга оид
13:56
«Эроннинг ҳужуми зарурат туғилгунича давом этади» — генерал Аҳмад Ваҳиди
11:39
«АҚШ энг кучли ҳарбий ускуналарни ишлаб чиқаради ва Исроилда улар жуда кўп» – Трамп Эронга таҳдид қилди
11:03
Исроил – Эрон уруши: бу гал жиддийми?
10:31