«Челси» «Бетис»га қарши ўйинда камбэк қилиб, Конференциялар Лигаси ғолибига айланди

Фото: AP

Полшанинг Вроцлав шаҳрида жойлашган "Тарчински Арена"да 2024/2025 мавсумнинг Конференциялар Лигаси финал учрашуви бўлиб ўтди. Унда Англиянинг "Челси" ҳамда Испаниянинг "Бетис" жамоаси майдонга тушди. Голларга бой бўлган учрашув лондонликларнинг ғалабаси билан якунланди.

Учрашувнинг 9-дақиқасида "Бетис" яримҳимоячиси Эз Абде ҳисобни очди. 65-дақиқада Энцо Фернандес ҳисобни тенглаштирди, 71-дақиқада Николас Жексон лондонликларни ҳисобда олдинга олиб чиқди. 83-дақиқада Жейдон Санчо "Челси"нинг учинчи голини киритган бўлса, 90+1-дақиқада Мойсес Кайседонинг голи ҳисобни йирик кўринишга олиб келди.

"Челси" ушбу ғалаба орқали ўз тарихида илк бор Конференциялар Лигаси чемпионига айланди. Бундан ташқари, лондонликлар Чемпионлар Лигаси, Европа Лигаси ҳамда Конференциялар Лигасини ютган илк клубга айланди.

"Бетис" (Испания) – "Челси" (Англия) 1:4

Голлар:Эз Абде (9) – Энцо Фернандес (65), Николас Жексон (71), Жейдон Санчо (83), Мойсес Кайседо (90+1)

Бетис: Адриан – Сабали, Бартра, Натан, Рикардо Родригес (46' Перро) – Форналс (85' Альтимира), Иско, Жонни (85' Ло Чельсо) – Антони, Бакамбу (72' Руибал), Эззалзули (53' Хесус Родригес)

Челси: Йоргенсен – Густо (46' Жеймс), Чалоба, Бадяшил (61' Колвилл), Кукурелья – Энцо, Кайседо – Мадуэке, Палмер (87' Гиу), Нету (61' Санчо) – Жексон (80' Дюсбери-Голл)

Огоҳлантиришлар: Антони (88), Перро (90+5) – Бадяшил (55), Палмер (80), Санчо (84)

#Челси #Бетис