Аргентина Британияни Фолкленд ороллари бўйича музокараларни қайта тиклашга чақирди

Атлантика океанининг жануби-ғарбий қисмида жойлашган Фолкленд ороллари 200 йил давомида Аргентина ва Британия ўртасидаги баҳсли ҳудуд бўлиб келган. 1982 йилда ҳатто томонлар ўртасида қуролли тўқнашув ҳам юз берган.

Аргентина ҳукумати Буюк Британияни Фолкленд оролларига эгалик қилиш бўйича музокараларни давом эттиришга чақирди. Бунга Лондон Маврикийга Чагос архипелагини топширгани сабаб бўлди.

Аргентина Ички ишлар вазирлиги баёнотига кўра, «Буюк Британия ва Маврикий ўртасидаги битим бу турдаги баҳсларни тинч йўл билан ҳал этиш мумкинлигига яққол мисол бўла олади». «Гап деколонизация жараёнида тарихий муҳим аҳамиятга эга воқеа ҳақида кетмоқда», — дейилади идора баёнотида.

22 май куни Британия бош вазири Кир Стармер Ҳинд океанидаги Чагос архипелагини Маврикийга топширилишига оид битим имзоланганини маълум қилди. Ҳужжат Диего-Гарция оролида Британия—АҚШ ҳарбий базасини сақлаб қолишни назарда тутади.

Атлантика океанининг жануби-ғарбий қисмида жойлашган Фолкленд ороллари 200 йил давомида Аргентина ва Буюк Британия ўртасидаги баҳсли ҳудуд бўлиб келган. 1982 йил апрелда улар ўртасида қуролли тўқнашув юз берган ва Аргентина мағлубиятга учраган. 2013 йил мартда ўтказилган овоз бериш жараёнлари натижасида кўпчилик ҳудуднинг Буюк Британия бошқаруви остида қолишини маъқуллаган. Аргентина томони ушбу овоз бериш жараёнлари натижасини тан олмаган.

#Аргентина #Британия #Фолкленд ороллари