Қўшимча функционаллар
-
Тунги кўриниш
Сирдарёда 3 киши қудуқдаги газдан заҳарланиб вафот этди
Ҳолат Сайхунобод туманида содир бўлган. Сизот сувларини сақловчи қудуқни тозалаш учун тушган уй эгаси, уни қутқармоқчи бўлган ўғли ва қўшниси газдан заҳарланиб вафот этган. Яна икки киши шифохонага ётқизилган.
Фото: Kun.uz
Сирдарё вилоятининг Сайхунобод туманида уч киши қудуқдаги газдан заҳарланиб вафот этди. Бу маълумотни Бош прокуратура матбуот котиби Ҳаёт Шамсутдинов Kun.uz’га тасдиқлади.
Ҳолат 22 май куни содир бўлган. Туманнинг Дўстлик маҳалласида яшовчи 67 ёшли киши тозалаш мақсадида хонадонидаги сизот сувларини сақловчи 5 метрлик қудуққа тушган. Аммо у қудуқда ҳосил бўлган заҳарли газдан нафас олиши оқибатида вафот этган.
Сўнгра уни қутқариш мақсадида қудуққа тушган 39 ёшли ўғли ва 46 ёшли қўшниси ҳам газдан заҳарланиб ҳалок бўлган. Уларни қутқариш учун тушган яна икки киши эса заҳарли газдан нафас олиши оқибатида соғлиги ёмонлашиб, ҳушини йўқотган.
Сайхунобод туман ФВБ ходимлари томонидан кўрсатилган ёрдам сабабли ота, ўғил ва қўшнининг мурдалари ҳамда заҳарли газдан ҳушини йўқотган икки фуқаро қудуқдан олиб чиқилган. Кўрсатилган тиббий ёрдам туфайли уларнинг ҳаёти сақлаб қолинган ва туман тиббиёт бирлашмасига жойлаштирилган.
Ҳолат юзасидан Сайхунобод тумани прокуратураси томонидан терговга қадар текширув ҳаракатлари олиб борилмоқда.
Мавзуга оид
15:56 / 26.03.2025
Сирдарёда стадионда одамлар устига ҳайдалган Captiva аукционда сотилиб, пули давлат ҳисобига ўтказилди
10:43 / 25.09.2024
Сирдарёда одамлар устига Captiva ҳайдаган эркак қамалди. Унинг машинаси эса мусодара қилинган
15:07 / 09.06.2024
Сирдарёда сомон ортиб кетаётган юк машинаси ёниб кетди
15:19 / 07.04.2024