Путин ва Трамп телефон орқали мулоқот қилди. У икки соатдан ортиқ давом этди

Россия президенти Владимир Путин ва АҚШ президенти Доналд Трамп телефон орқали мулоқот қилди. Суҳбат Путин Сочидаги «Сириус» таълим мажмуаси биносига ташриф буюрган вақтда бўлиб ўтди.

Путиннинг сўзларига кўра, у Трампга Россия Украинага «бўлажак тинчлик сулҳининг меморандум» устида биргаликда ишлаш таклифини беришга тайёрлигини маълум қилган.

Россия президенти, шунингдек, Истанбулда Украина билан тинчлик музокараларининг тикланиши томонлар «тўғри йўлда экани»дан далолат беришини қўшимча қилган.

«Суҳбат очиқ ва мазмунли бўлди. Фикримча, жуда фойдали бўлди. Мен Доналд Трампга бевосита музокараларни қайта тиклашни қўллаб-қувватлагани учун миннатдорчилик билдирдим. У сулҳ масаласидаги ўз позициясини баён қилди. Мен Россия тинч йўл билан можарони ҳал этиш тарафдори эканини таъкидладим. Биз тинчлик сари энг самарали йўлларни аниқлаб олишимиз керак.

Биз РФ келажакдаги битим меморандуми — унинг принциплари, муддати ва ҳоказолар, шу жумладан, муайян келишувларга эришилган тақдирда, маълум муддатга ўт очишни тўхтатиш имконияти бўйича Украина томони билан ишлашга тайёрлигига келишиб олдик. Истанбулдаги учрашув иштирокчилари ўртасидаги алоқалар тикланди…

Мен суҳбатни юқори баҳолайман. Асосий масала — ҳар икки томон тинчликка интилишда максимал даражада ҳаракат қилиши ва барча томонларни қониқтирадиган муросаларни топишидир. Умуман олганда, Россиянинг позицияси аниқ: биз учун энг муҳими — инқироз сабабларини бартараф этишдир», — деди Путин мулоқотдан кейин.