Қўшимча функционаллар
-
Тунги кўриниш
Курдистон ишчилар партияси тарқатиб юборилганини эълон қилди
Аввалроқ исёнчилар етакчиси Абдулла Ўжалан Туркияга қарши қуролли курашни тўхтатишга чақирган эди.
Фото: Reuters
Мустақил курд давлатини яратиш учун Туркияга қарши 40 йилдан ортиқ қуролли кураш олиб борган Курдистон ишчилар партияси (КИП) тарқатиб юборилганини эълон қилди. Бу қарор партиянинг май ойи бошида бўлиб ўтган 12-қурултойи якунлари бўйича қабул қилинган, деб ёзди Reuters.
Қурултой делегатлари КИП курд муаммосини энди демократик йўллар билан ҳал қилиши мумкин деган хулосага келди. Шундай қилиб, Курдистон ишчилар партияси ўз тарихий миссиясини бажарди ва ўз фаолиятини тўхтатди.
Қурултой 1999 йилдан бери умрбод қамоқ жазосини ўтаётган КИП етакчиси Абдулла Ўжалан 2025 йил февралида тарафдорларини қуролли курашни тўхтатиш ва Туркия сиёсий тизимини демократлаштириш ва унга тўлиқ интеграциялашувда иштирок этишни бошлашга чақирганидан кейин ўтказилди.
Абдулла Ўжалан турк курдларини қурол ташлашга чақирди У 1990 йилларнинг охиридан бери умрбод қамоқ жазосини ўтамоқда.
Мақсадларини Туркиядаги курдларнинг миллий ҳуқуқлари учун кураш ва курд давлатини барпо этиш деб эълон қилган Курдистон ишчилар партияси 1974 йил ноябрда ташкил топган. 1984 йилдан бери Туркия ҳукуматига қарши қуролли кураш олиб бораётган эди. 40 йил ичидаги қуролли можаролар давомида 40 мингдан ортиқ одам ҳалок бўлди.
КИП Туркия, АҚШ ва Европа Иттифоқи томонидан террорчи ташкилот деб эълон қилинган.
Мавзуга оид
15:13
Мубашшир Аҳмад яна Туркия полицияси томонидан қўлга олинди. У Ўзбекистонга депортация қилинган бўлиши мумкин
12:20 / 29.04.2025
Ўзбекистон ва Туркия тадбиркор аёлларининг бизнес-форумлари ўтказилади
19:42 / 27.04.2025
Туркиялик эркак операциядан кейин она тилини унутиб, бошқа тилда гапиришни бошлади
21:49 / 25.04.2025