Деновда ҳайдовчи 32 нафар болани Damas'га миндириб кетаётгани аниқланди

Ҳайдовчи болаларни боғчадан олиб кетаётган бўлган. У кузатилган шундай ҳолатлар бўйича “рекорд” ўрнатди.

Фото: Видеодан кадр

Сурхондарё вилоятининг Денов туманида Damas машинасида 32 нафар бола олиб кетилаётгани аниқланди. Бу ҳақда вилоят ЙҲХБ хабар берди.

Маълум қилинишича, ҳайдовчи болаларни хусусий боғчадан олиб кетаётган бўлган. Ходимлар томонидан ҳолат бартараф этилиб, машина кузатув остида боғчага қайтарилган. Ҳайдовчига нисбатан чора кўрилган.

Шунингдек, ҳолат юзасидан вилоят Мактаб ва мактабгача таълим бошқармасига тақдимнома киритилган.

Олдинроқ Наманганда 25 нафар, Самарқандда 25 нафар, Қорақалпоғистонда эса 27 нафар бола Damas'да олиб кетилаётгани аниқланганди.