Google Play’дан 1,6 млн илова ўчириб ташланди

Google Play платформаси 2024 йилдан бери кўплаб мобил иловаларни ўчириб ташлади. TechCrunch портал маълумотларига кўра, Google дўконидаги иловалар сони 3,4 миллиондан 1,8 миллионгача қисқарган. Бу Google Play каталоги қарийб икки баробарга — 47 фоизга қисқарганини англатади.

Қайд этилишича, бундай кескин қисқариш мобил иловалар бозорига таъсир кўрсатмайди. Таққослаш учун, худди шу даврда App Store’даги иловалар сони бироз ошган 1,6 миллиондан 1,64 миллионгача. Google экотизими ушбу ўзгаришларни ижобий баҳоламоқда.

Таъкидланишича, фойдаланувчилар энди фирибгарлик схемалари, спамлар ва сифатсиз контентга камроқ дуч келяпти. Виждонли ишлаб чиқувчилар эса ўз навбатида, рақобатнинг адолатли шартларидан фойдаланмоқда.

Google Play узоқ йиллар давомида иловаларни онлайн дўконга жойлаштиришдан олдин App Store каби жиддий теширувдан ўтказмас ва тезкорликни таъминлаш учун зарарли кодларни сканерламас эди. Бу эса дўконда паст сифатли маҳсулотлар сони ортиб кетишига олиб келди. Apple эса аксинча, доим текширувлар яхшироқ амалга оширилишини қўллаб-қувватлаган.

Вазият 2024 йил июлда, Google иловалар сифатига белгиланган мавжуд минимал талаблар оширилганини эълон қилганидан кейин ўзгарди. Энди нафақат яхши ишламайдиган носоз иловалар, балки функционаллиги чекланган лойиҳалар ҳам онлайн дўконга жойлаштирилмайди.