Трамп Зеленскийни Қримдан воз кечишга тайёр деб ҳисобламоқда

Украина президенти Володимир Зеленский Қримга бўлган даъволаридан воз кечишга тайёр, бу ҳақда АҚШ етакчиси Доналд Трамп Ватиканда у билан учрашувдан сўнг маълум қилди.

Фото: REUTERS

«Мен шундай деб ўйлайман», деб жавоб берди Трамп журналистнинг Зеленский Қримга бўлган даъволаридан воз кечишга тайёрлиги ҳақидаги саволига.

«Бу 11 ёки 12 йил олдин содир бўлди. Бу анча вақт олдин рўй берганди. 12 йил давомида ҳеч ким бу ҳақда ёзмаган. Балки биз Обамадан сўрашимиз керакдир», деди АҚШ президенти.

Америка етакчисининг айтишича, Зеленский билан учрашув яхши ўтган.

«У менга кўпроқ қурол кераклигини айтди, лекин уч йилдан бери унга кўпроқ қурол кераклигини айтяпти. Ва энди нима бўлишини кўрамиз», — деди Трамп.

Шу билан бирга, АҚШ президентининг фикрича, Зеленский «хотиржам бўлиб», тинчлик келишувига эришишдан кўпроқ манфаатдордир.

Шанба куни эрталаб Трамп Зеленский билан учрашди. Ғарб оммавий ахборот воситалари уларнинг Ватикандаги Авлиё Пётр соборида бир-бирига қарама-қарши стулларда ўтиргани акс этган фотосуратларни чоп этди.

Трамп Римга жума куни кечқурун етиб келди. Шанба куни у Ватиканда Рим папаси Францискни дафн этиш маросимида иштирок этди. Шундан сўнг АҚШ президенти Римдан ватанига учиб кетди.

#Қрим #Доналд Трамп