Саноат ҳамкорлигини мустаҳкамлаш: Ўзбекистонда “ИННОПРОМ. Марказий Осиё” юбилей кўргазмаси

4 апрель, Тошкент – 28–30 апрель кунлари замонавий CAEx Uzbekistan кўргазма майдонида “ИННОПРОМ. Марказий Осиё” бешинчи юбилей халқаро саноат кўргазмаси бўлиб ўтади. Тадбир ташкилотчилари – Россия Федерацияси Саноат ва савдо вазирлиги ҳамда Ўзбекистон Республикаси Инвестициялар, саноат ва савдо вазирлиги.

Кўргазма ҳар йили саноатнинг етакчи соҳа вакилларини – машинасозлик ва металлургиядан тортиб, IТ-технологиялар ва энергетикагача барчасини бирлаштиради. Бу йил кўргазмада 400 дан ортиқ компания ва 10 мингдан зиёд ташриф буюрувчилар иштирок этиши кутилмоқда. Улар орасида Ўзбекистон, Россия, Қозоғистон, Қирғизистон, Беларус, Хитой, Саудия Арабистони, Туркия ва бошқа давлат вакиллари бор.

“ИННОПРОМ. Марказий Осиё” кўргазмасининг мақсади – саноат ҳамкорлиги ва иқтисодий шерикликни кенгайтириш, минтақалар ва давлатлар ўртасида мулоқот ўрнатиш, ўзаро манфаатли лойиҳалар сонини ошириш ҳамда умумий манфаатлар нуқталарини аниқлашдир.

Россиянинг йирик бизнес вакиллари орасида “БСК”, “Газпромбанк”, “Трансмашхолдинг”, “1C”, “Росатом” давлат корпорацияси, “Альфа-Банк”, “Транснефть”, “Натспроектстрой” ГК, “КАМАЗ”, каби компаниялар ўз инновацион технологияларини намойиш этади. Шунингдек, “Kallitso Visio”, “ДСК Технологиялар” МЧЖ, “Минимах – 94” АЖ каби тармоқ компаниялар ҳам ўз экспозицияларини тақдим этади.

Бундан ташқари, Ўзбекистон Республикаси Инвестициялар, саноат ва савдо вазирлиги кўмагида Ўзбекистоннинг йирик саноат компаниялари экспозициялари жамоавий стендда намойиш этилади. 

Қизғизистон Республикаси биринчи марта “ИННОПРОМ. Марказий Осиё” халқаро саноат кўргазмасида иштирок этади. Бу мамлакатнинг саноат салоҳиятини ёрқин намойиш этиб, Россия ва минтақанинг бошқа давлатлари билан ҳамкорлик учун янги имкониятлар яратади. Мамлакат стендида саноатнинг йирик вакиллари бўлган етти компания ўз маҳсулотларини тақдим этади. 

Россия ва Марказий Осиё мамлакатлари ўртасидаги саноат ҳамкорлиги стратегик аҳамиятга эга бўлган кўплаб ҳужжатлар: халқаро шартномалар, “йўл хариталари” ва минтақалараро келишувларда расмийлаштирилган. Дастурнинг асосий қисмида “Марказий Осиёда стратегик саноат ҳамкорлиги: илғор технологияларга асосланган интеграция” номли Бош ялпи мажлиси бўлади. Россия Федерацияси Ҳукумати раисининг биринчи ўринбосари Денис Мантуров ва Ўзбекистон Республикаси Бош вазир ўринбосари Жамшид Хўжаев иштирокидаги сессияда тингловчиларга давлатлараро шартномалар амалда қандай ишлаётгани, бугунги кунда қандай ютуқларни тасаввур қилиш мумкинлиги ва қандай тўсиқларни бартараф этиш зарурлиги ҳақида экспертлик баҳоси берилади. “Ўзбекистонга бутун дунёдан инвесторлар ва ишлаб чиқарувчилар эътибор қаратмоқда. Бизнинг ИННОПРОМ сўнгги 5 йил ичида ўсиб, Марказий Осиё минтақасидаги барча бизнесменлар томонидан тан олинган ва қадрланган муҳим халқаро платформага айланди. Ҳар йили биз Ўзбекистонда янги шартномалар, янги инвестициялар ва янги иш ўринларини олиб келамиз, аммо халқимиз ўртасидаги дўстликни ўлчаб бўлмайди: бизнинг муносабатларимиз бебаҳодир”, - дейди “ИННОПРОМ. Марказий Осиё” дастур директори Антон Атрашкин. 

“Янги Ўзбекистон: инновацион тадбиркорлик ва ёш мутахассислар” мавзусидаги Форсайт сессияси кўргазма дастурининг энг ёрқин воқеаларидан бири бўлади. Унинг маърузачилари: дизайнер Артеми Лебедев, финтеч эксперти Шоҳида Ибрагимова, IТ PARK бош директори Абдулаҳад Қучқоров, Марказий Осиё университетининг ривожланиш бўйича директори Алексей Семёнов, инвестор Баҳром Баҳодиров ва М Cosmetic компанияси бош директори Сергей Иржавский.

2024 йилда кўргазма экспозициясида Россия, Ўзбекистон, Беларус ва Хитойдан 400 дан ортиқ компаниялар иштирок этган эди. Улар машинасозлик, металлургия, ахборот технологиялари, энергетика ечимлари ва бошқа саноат тармоқларини намойиш этишганди. Кўргазманинг умумий майдони 14 минг квадрат метрдан ошганди. Россия экспозициясида 247 нафар иштирокчи қатнашганди. Россия Федерациясининг 14 минтақаси ўзларининг жамоавий стендларини намойиш этдилар, яна 14 нафари ҳокимият раҳбарлари иштирокида делегациялар юборилди.

“ИННОПРОМ. Марказий Осиё” кўргазмасида иштирок этиш учун расмий тадбир сайтида рўйхатдан ўтиш мумкин: https://tashkent.bigindustrialweek.com/ru/registration/visitor_usnsb?utm_source=kunuz&utm_medium=news&utm_campaign=tshk25

ОАВ вакиллари қуйидаги ҳавола орқали аккредитациядан ўтишлари мумкин: https://tashkent.bigindustrialweek.com/ru/registration/press_euxbz

“ИННОПРОМ. Марказий Осиё” халқаро саноат кўргазмасининг ишбилармонлик дастури: https://tashkent.bigindustrialweek.com/ru/business-program

Реклама ҳуқуқи асосида