SF Airlines авиакомпанияси Тошкентга парвозларни йўлга қўйди

Юк ташувлари Boeing 757 самолётларида ҳафтасига икки марта амалга оширилади, кейинчалик рейслар сони кўпайиши кутилмоқда.

Фото: Uzbekistan Airports

2 апрель куни Хитойнинг SF Airlines авиакомпанияси Ланчжоу - Тошкент - Ланчжоу йўналиши бўйича илк юк рейсини амалга оширди. Бу ҳақда Uzbekistan Airports хабар берди.

Авиакомпаниянинг Boeing 757 самолёти маҳаллий вақт билан соат 10:40 да Тошкент халқаро аэропортига қўнди. Анъанага кўра, самолёт сув аркаси билан кутиб олинди.

Юк ташувлари Boeing 757 самолётларида амалга оширилиши режалаштирилган. Дастлабки босқичда рейслар ҳафтасига икки марта амалга оширилади, кейинчалик рейслар сони кўпайиши кутилмоқда.

SF Airlines штаб-квартираси Шенчженда (Гуандун, Хитой) жойлашган Хитойнинг етакчи юк авиакомпаниясидир. 2005 йилда ташкил этилган авиакомпания Хитойнинг энг йирик логистика гуруҳларидан бири SF Holding Company Limited таркибига киради.

#Хитой #авиақатнов #SF Airlines