ЎзКейсСервис замонавий сервис марказлари ва рақамлаштириш тизими: Қишлоқ хўжалиги техникаларини таъмирлашда янги босқич

Ўзбекистонда экиш мавсуми бошланди. Бу пайтда қишлоқ хўжалиги техникаларининг соз ҳолатда бўлиши ҳосилдорлик даражасига катта таъсир кўрсатади. ЎзКейсСервис қўшма корхонаси шу мақсадда Кейс ва НьюХолланд қишлоқ хўжалик техникаларини таъмирлашнинг марказлашган тизимини йўлга қўйган.

Ўзбекистонда қишлоқ хўжалиги техникаларига хизмат кўрсатиш ва таъмирлаш соҳасидаги энг йирик хизмат кўрсатувчи компаниялардан бири бўлган ЎзКейсСервис қўшма корхонасининг республика бўйлаб 13 та сервис маркази фаолият юритмоқда, уларнинг ҳар бири замонавий технологиялар ва юқори малакали мутахассислар билан таъминланган. Сервис марказларининг барчаси замонавий ўлчов ва таъмирлаш қуроллари билан жиҳозланган. 100 га яқин сервис ва таъмирлаш мутахассислари Кейс ва Ньюхолланд техникаларига сифатли таъмирлаш ва хизмат кўрсатишни амалга оширади.

ЎзКейсСервис корхонаси директор ўринбосари Садриддин Давитовнинг сўзларига кўра, республика бўйлаб 10 000 дан ортиқ техникага сифатли сервис хизматлари кўрсатилмоқда, бу эса техника ишлашидаги юқори самарадорликни таъминлайди.

Қишлоқ хўжалиги ҳеч қачон кутиб турмайди, экиш ёки ғалла мавсуми бўлишидан қатъи назар техникалар тўхтаб қолмаслиги керак. 13 та сервис марказимизда 100 га яқин мутахассис Англияда, Австрияда, Бельгия, Франция, Польша, Хитой каби давлатларда малака ошириб келади.

Инженерларимизнинг барчаси планшетлар билан таъминланган. Рақамлаштиришга ўтганимиз сабабли ҳамма ишимиз электрон тарзда бажарилади. Сервис мутахассисимиз омбордан эҳтиёт қисм олиши керак бўлганда жойидан туриб буюртма қилади, омборда эҳтиёт қисм тайёрлаб турилади. Бу вақтдан ютишимизга, мижознинг техникаси тезкор таъмирланишига хизмат қилади.

Махсус таъмирлаш бўлимларимиздаги дастгоҳлар АҚШ, Франция, Англиядан, Хитой келтирилган. Шу асосда шиналарни таъмирлаш йўлга қўйилган. Бунда мижознинг иштироки керак бўлмайди, чунки марказлашган ҳолда юк автомобилларимиз республика бўйлаб қишлоқ хўжалиги техникаларининг ишдан чиққан шиналарини йиғиб келади ва Жиззахдаги махсус таъмирлаш бўлимида таъмирланади. Бундан ташқари республиканинг 5та ҳудудида электрон инжекторларни таъмирлаш бўлимлари ташкил қилинган”, - дейди директор ўринбосари.

Таълим ва ёш мутахассислар тайёрлаш

Корхона Тошкент Ирригация ва қишлоқ хўжалигини механизациялаш институти ҳамда Бухоро табиий ресурслари институти билан ҳамкорликда замонавий техникаларга хизмат кўрсатиш бўйича махсус ўқув марказларини ташкил этган. Бу ўқув марказлари ёш мутахассислар учун замонавий техникалардан фойдаланиш, уларни таъмирлаш ва сервис хизматлари кўрсатиш бўйича малака ошириш имкониятини яратмоқда. Шунингдек, талабалар учун амалий тажриба олиш имконияти ҳам мавжуд, чунки сервис марказлари устахоналарида улар ўзларининг амалиётларини малакали мутахассислар билан бирга ўташмоқда.

Рақамлаштириш ва янги тизимлар

Юқори унумли техникаларга хизмат кўрсатишдаги харажатларни камайтириш учун сервис марказларида махсус таъмирлаш бўлимлари ташкил қилинган. Масалан, Жиззах сервис марказида шиналарни таъмирлаш бўлими, Сирдарё, Жиззах, Бухоро, Қашқадарё ва Наманганда ёқилғи насослари ва электрон инжекторларни таъмирлаш бўлимлари, Бухорода турбокомпрессорларни таъмирлаш бўлими ишлаб турибди. Шунингдек, ҳар бир сервис маркази техникаларга “ЕSТ” ташхис қўйиш учун махсус компьютер ускуналари билан таъминланган.

Қўшма корхона мижозларга хизмат кўрсатишни янада қулай ва тезкор қилиш мақсадида рақамлаштириш тизимига ўтган. Барча ҳужжатлаштириш ишлари 100% электрон рақамлаштириш тизими орқали амалга оширилади. Сервис мутахассислари замонавий планшетлар билан таъминланган бўлиб, бу уларга ҳужжатларни тез ва аниқ расмийлаштиришга имкон беради. Сервис автомашиналари мунтазам равишда янги замонавий автомашиналар билан алмаштириб келинмоқда, ушбу режа асосида 2022-2023 йилларда 22 дона Volkswagen Caddy, 2023-2024 йилларда 18 дона ва 2025 йил март ойида 9 дона Fiat Fiorino русумидаги автомашиналар корхона автопаркини янгилаш учун харид қилинди ва махсус асбоб ускуналар билан жиҳозланган ҳолда сервис мутахассисларига топширилди. Кутилаётган натижа мижозларга хизмат кўрсатиш вақтини қисқартириш ва сифатини оширишдан иборат.

Жумладан, ҳар бир сервис маркази бош инженерлари ва омбор мудирлари “Е-PARTS” янги тизимида эҳтиёт қисмлар бўйича буюртмалар бериш имкониятига эга. Бу тизим эҳтиёт қисмлар тақчиллигининг олдини олиш ва замонавий таъмирлаш технологияларини жорий қилишда муҳим аҳамиятга эга.

1 йиллик техник хизмат ва эҳтиёт қисмлар – барчаси бепул таъминланади

Корхона шу кунга қадар ўз техникаларига бир йил давомида бепул техник хизмат кўрсатишни йўлга қўйган эди. Жорий йилдан бошлаб “Case” ҳамда “New Holland” бренди остида расмий ҳарид қилинган қишлоқ хўжалиги техникаларига 1 йил мобайнида бепул техник хизмат кўрсатиш ва кафолат муддати мобайнида эҳтиёт қисмлар билан бепул таъминлаш жорий қилинди.

Қўшма корхона ўзининг юқори сифатли хизматлари ва замонавий технологиялари орқали қишлоқ хўжалиги техникаларининг узлуксиз ишлашига катта ҳисса қўшмоқда. Замонавий сервис марказлари, мутахассислар тайёрлаш марказлари ва рақамлаштириш тизимлари корхонанинг самарадорлигини оширишга ва мижозлар учун кўрсатиладиган хизматларни янада сифатли ва тезкор қилишга хизмат қилади.

Мурожаат учун:

Эҳтиёт қисмлар ва сервис учун: +998 78 120 10 01

Техника сотуви учун: +998900079420

Манзил: Тошкент шаҳри, Оҳангарон йўли 2

Мўлжал: Роҳат айланаси.

Телеграм | Телеграм гуруҳ | Инстаграм

Реклама ҳуқуқи асосида