Transfermarkt Шомуродовнинг трансфер баҳосини пасайтирди

Transfermarkt портали Италия А Сериясидаги футболчилар трансфер баҳоларини янгилади.

Фото: UFA

Унга кўра, «Рома» клуби ҳужумчиси Элдор Шомуродовнинг трансфер баҳоси 1 миллион еврога пасайтирилган. Натижада, Ўзбекистон миллий жамоаси сардорининг трансфер баҳоси 5 миллиондан 4 миллион еврога тушган.

Шу тариқа, Шомуродовнинг трансфер нархи 2021 йилдаги рекорди – 14 млн евродан сўнгги 3 йил давомида 10 млн еврога камайиб, 4 млн еврога тушди.

Сўнгги марта ўзбекистонлик форварднинг трансфер баҳоси 6 млн евродан 5 млн еврога туширилганди. У бу борада Абдуқодир Ҳусанов (12 млн евро) ва Аббосбек Файзуллаевдан (8 млн евро) кейинги Ўзбекистоннинг энг қимматбаҳо 3-ўйинчиси бўлиб турибди.

#Элдор Шомуродов #Transfermarkt