Қўшимча функционаллар
-
Тунги кўриниш
Тошкент вилоятида 649 млн сўмлик табиий газдан ноқонуний фойдаланган иссиқхона аниқланди
Назорат тадбирлари давомида Юқори Чирчиқ туманидаги 70 сотихли ҳудудда иккита иссиқхона газдан ноқонуний фойдаланиб келгани маълум бўлди.
Фото: Ҳудудгаз
«Ҳудудгаз Тошкент» ГТФ комплаенс назорат тузилмалари, «Ўзэнергоинспекция» ва прокуратура ходимлари иштирокида Тошкент вилоятининг Юқори Чирчиқ туманида назорат тадбирлари ўтказилди.
Қайд этилишича, ўрганишлар давомида туманнинг «Фаровон» МФЙда жойлашган хонадонда 70 сотихлик ҳудудда иккита иссиқхона (50 сотих лимон, 20 сотих қулупнай) борлиги маълум бўлган.
Хонадондаги газ жиҳозлари текширилганда икки дона газда ишловчи иситиш аппарати (ОАГВ), икки дона (2 ва 4 ёндиргичли) газ плитаси ҳеч қандай лойиҳа ҳужжатларисиз фойдаланиб келинаётгани аниқланган. Хонадондаги электрон газ ҳисоблаш ускунаси текширилганда, мазкур ҳисоблагич рўйхатдан ўтказилмагани ва таъминот корхонаси билан тегишли шартнома тузилмагани маълум бўлган.
Ҳолат юзасидан далолатнома тузилиб, сарфланган табиий газ ҳажми қонунчиликда белгиланган тартибда қайта ҳисоб-китоб қилинган — истеъмолчи томонидан 649 миллион сўмлик зарар етказилган. «Барча ҳужжатлар ҳуқуқни муҳофаза қилувчи органларга топширилади», — дейилади хабарда.
Аввалроқ 3 млрд сўмлик газдан ноқонуний фойдаланган овқатланиш шохобчаси аниқлангани тўғрисида хабар берилганди.
Тавсия этамиз
Хитойлик тадқиқотчилар Осиёда янги зилзилалар кузатилишидан огоҳлантирди
Жаҳон | 21:46 / 06.04.2025
Кам таъминланган оилаларга электр ва газ бўйича компенсация берилади
Ўзбекистон | 14:32 / 06.04.2025
100 минг долларлик “ўйин”: Марғилондаги бир жиноят тафсилоти
Жамият | 17:21 / 05.04.2025
Марказий банк картадан пул ўтказмаларига қўйилган янги талабга изоҳ берди
Иқтисодиёт | 17:09 / 05.04.2025
Сўнгги янгиликлар
Мавзуга оид
16:06 / 13.03.2025
«Олтиариқдаги иссиқ боғ» — иссиқхонада ўрик етиштираётган эскиараблик боғбон ҳикояси
10:45 / 21.02.2025
Тошкент вилоятида газдан ўғринча фойдаланган иссиқхоналар аниқланди
08:23 / 13.02.2025
Дудбурондан фойдаланиш қоидаларини бузган 103 та иссиқхона фаолияти тўхтатилди
11:26 / 26.01.2025
“Кам бўлганимиз йўқ”: қишда ҳам қулупнай ва редиска етиштириб сотаётган қувалик деҳқон
