Қўшимча функционаллар
-
Тунги кўриниш
Афғонистонда аёл олти эгизакни дунёга келтирди
Чақалоқларнинг икки нафари ўғил, тўрт нафари қизалоқ экани айтилмоқда.
Афғонистон шимолидаги Жузжон вилоятида аёл бирйўла олти нафар эгизакни дунёга келтирди. Бу ҳақда маҳаллий манбаларга таяниб, Афғонистоннинг Etilaatroz газетаси хабар бермоқда.
Чақалоқлар, 28 октябр куни, Жузжоннинг марказий шаҳри Шибирғондаги Шукран хусусий касалхонасида дунёга келган.
Касалхона раҳбари Козим Сиддиқий болалар ва онанинг саломатлиги барқарор эканини маълум қилди. Шифокорлар олти боланинг барчаси соғлом туғилганини таъкидлаган.
Уларнинг айтишича, чақалоқлардан икки нафари ўғил, тўрт нафари қизалоқ.
Август ойида Тошкент туманида яшовчи 23 ёшли аёл 4 нафар эгизак - 3 қиз ва 1 ўғилни дунёга келтирганди. Ундан аввал Сирдарёдаги оилада уч эгизак дунёга келгани ҳақида хабар берилган.
Мавзуга оид
20:36 / 08.07.2025
Халқаро жиноий суд «Толибон» раҳбарларини ҳибсга олишга ордер берди
16:54 / 08.07.2025
БМТ Бош Ассамблеяси «Толибон» сиёсатини кескин қораловчи резолюцияни маъқуллади
18:31 / 05.07.2025
«Афғонистонда тинчлик ва нормал давлатчилик бўлишига энг кўп интилаётган давлат – Ўзбекистон» — Камолиддин Раббимов
14:24 / 04.07.2025