Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 20:45 / 26.04.2024
    28382
    4 дақиқада ўқилади

    Америка университетлари Исроилга қарши намойишлардан ларзага келмоқда. Фотосуратлар

    Америкалик талабалар фаластинликларни қўллаб-қувватлаб намойишлар ўтказишда давом этмоқда. Университетларда кампуслар ўраб олинган. Полиция ўнлаб кишиларни қўлга олган.

    Америка университетларида Ғазо секторидаги урушга қарши акциялар тинмаяпти — талабалар кампусларда палаткалар ўрнатиб, АҚШдан Исроил билан ҳар қандай молиявий алоқалардан воз кечиш ва ярим йилдан буён давом этаётган ҳарбий ҳаракатларни қўллашни тўхтатишни талаб қилмоқда. Колумбия университети намойишлар марказига айланди. Ўтган ҳафтада олий таълим муассасаси раҳбарияти полицияни чақирди, натижада 100 дан ортиқ киши қўлга олинди. Кейин вазият кескинлашди — ва Йелда, Остиндаги Техас университетида, Жанубий Калифорния университети ҳамда Бостон университетларида яна ўнлаб кишилар ушланди.

    22 апрел куни Колумбия университети раҳбарияти кундузги дарслар бекор қилингани ҳақида эълон берди. Икки кун ўтиб масофадан таълим имкониятини кўзда тутувчи «гибрид» форматдаги машғулотлар схемаси йил охирига қадар узайтирилди, бунда битириш имтиҳонлари ҳам онлайн бўлади. Университетлар кампусларни ёпмоқда, Жанубий Калифорнияда хавфсизлик нуқтайи назаридан асосий битирув маросими бекор қилинди, аммо бошқа университетларда намойишлар давом этмоқда.

    Отлиқ полициячилар Остиндаги Техас университетида Фаластин тарафдорлари намойишида, 2024 йил 24 апрел
    Brandon Bell / Getty Images / AFP / Scanpix / LETA
    Берклидаги Калифорния университети кампусида намойишчиларнинг палаткалар лагери, 2024 йил 22 апрел
    Justin Sullivan / Getty Images
    Катта курсда ўқувчи 22 ёшли Кэролайн Сассан Род-Айленд штати Провиденс шаҳарчасидаги Браун университетида Ғазо сектори аҳолиси билан бирдамлик лагерида полициячи билан тўқнашув вақтида, 2024 йил 24 апрел
    Sophie Park / The Washington Post / Getty Images
    Ню Йорк университетии талабалари ва ўқитувчилари олий таълим муассасаси раҳбариятини Исроил билан алоқаларни узишга чақирмоқда. Улар кампус ҳудудидаги майдонни Ғазо сектори аҳолиси билан бирдамлик лагери деб эълон қилишган, 2024 йил 22 апрел
    Andrew Lichtenstein / Corbis / Getty Images
    Ню Йоркдаги Колумбия университетида норозилик намойиши, 2024 йил 24 апрел. АҚШ Вакиллар палатаси спикери Майк Жонсон университет президенти Немат Минуш Шафиқни агар «бу тартибсизлик»да тартиб ўрната олмаса, истеъфога чиқишга чақирди.
    Yuki Iwamura / Bloomberg / Getty Images
    «Биз кампусларимизда бундай нафрат ва антисемитизм авж олишига йўл қўя олмаймиз ва бу тўхташи керак. Бу зўравонликларни қилаётганлар ҳибсга олиниши лозим», — деди Майк Жонсон Колумбия университетидаги чиқиши чоғида
    Alex Kent / Getty Images
    Майк Жонсоннинг Колумбия университетида 24 апрел кунги чиқиши вақтида намойишчилар унга ҳуштакбозлик қилишди
    Sarah Yenesel / EPA / Scanpix / LETA
    Ню Йорк университетининг Ғазо секторидаги урушга қарши ва Колумбия университети талабаларига бирдамлик рамзи сифатида намойиш қилган талабалари қўлга олиниши, 2024 йил 22 апрел
    Fatih Aktas / Anadolu / Getty Images
    Лос-Анжелесдаги Жанубий Калифорния университетида Ғазо сектори аҳолисини қўллаётган намойишчилар лагери, 2024 йил 24 апрел
    Mario Tama / Getty Images
    Остиндаги Техас университетида фаластинликларни қўллаб ўтказилаётган талабалар намойиши, 2024 йил 24 апрел
    Brandon Bell / Getty Images
    Остиндаги Техас университетидаги намойишчилар қуршовидаги полициячилар, 2024 йил 24 апрел
    Jay Janner / Austin Statesman / USA Today Network / Reuters / Scanpix / LETA
    Ню Йорк университети кампусининг ёпилган майдони атрофидаги полиция машинаси, 2024 йил 24 апрел
    Angela Weiss / AFP / Scanpix / LETA
    #Исроил #Фаластин #Колумбия университети

    Ғазодаги геноцид

    2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.

    Мавзуга оид

    13:03 / 19.04.2025

    Сафини кенгайтириб олган ҲАМАС, Украина шаҳарларига ракета ҳужуми ва Суриядаги базаларини ёпаётган АҚШ — кун дайжести

    23:47 / 18.04.2025

    АҚШда бир ой ичида минглаб талабаларнинг визалари бекор қилинди

    13:46 / 18.04.2025

    Фаластинни тан олмоқчи бўлаётган Франция, Трампдан Путинга сўнгги ултиматум ва «Толибон»ни террорчилар рўйхатидан чиқарган Россия — кун дайжести

    19:46 / 17.04.2025

    Исроилнинг Эронга зарбаси Трамп томонидан қўллаб-қувватланмади