Қўшимча функционаллар
-
Тунги кўриниш
Навоийда икки Nexia тўқнашди. 3 киши ҳалок бўлган
Йўл-транспорт ҳодисасига ҳайдовчилардан бири бошқарувни йўқотиб, қарама-қарши йўлга чиқиб ҳаракатлангани сабаб бўлган.
Фото: Навоий вилояти ИИБ ЙҲХБ
Учқудуқ туманида инсонлар ўлими билан боғлиқ йўл-транспорт ҳодисаси содир бўлди. Бу ҳақда Kun.uz’га Навоий вилояти ИИБ ЙҲХБ матбуот хизмати хабар берди.
Маълум қилинишича, ЙТҲ 25 сентябр куни соат 21:20 ларда “Навоий-Зарафшон-Учқудуқ” йўлида содир бўлган. 25 ёшли ҳайдовчи бошқарувидаги Nexia машинаси қарама-қарши йўналишида келаётган, 1998 йилда туғилган ҳайдовчи бошқарувидаги иккинчи Nexia билан тўқнашиб кетган. Бунга ҳайдовчилардан бирининг бошқарувни йўқотиб қўйиши сабаб бўлган.
Воқеа жойига туман прокуратураси, ИИБ, ФВБ вакиллари ҳамда тез тиббий ёрдам гуруҳи етиб борган. ЙТҲ оқибатида машиналарда йўловчи сифатида кетаётган 40 ёшли эркак ва 45 ёшли аёл воқеа жойида, 34 ёшли эркак эса шифохонада вафот этган. Оғир тан жароҳати олган икки ҳайдовчи эса Зарафшон шаҳар шифохонасига ётқизилган.
Ҳозирда ҳолат юзасидан дастлабки тергов ҳаракатлари олиб борилмоқда.
Мавзуга оид
12:03 / 19.04.2025
“120 тезликда тормоз ишламай қолди” – Наманганда икки ўқувчи ижарага олинган Spark’да ЙТҲга учради
21:44 / 17.04.2025
Наманганда “бизнес”га айланаётган “езда” ва ҳалок бўлаётган болалар: масъуллар назоратни йўқотдими?
08:20 / 17.04.2025
Россиядаги ЙТҲда Ўзбекистон фуқароси ҳалок бўлди
18:20 / 11.04.2025