Қўшимча функционаллар
-
Тунги кўриниш
Тўрт йигит Каттақўрғон сув омборида чўкиб кетди
Улар қайиқда суратга тушмоқчи бўлганида қайиқ ағдарилиб кетган.
Фото: Kattakurgan.narod.ru
30 июл куни Каттақўрғон сув омборида 4 нафар йигит чўкиб кетгани аниқланди.
Бош прокуратура матбуот хизматига кўра, Қашқадарё вилоятининг Чироқчи ва Кўкдала туманларида яшовчи 7 йигит Самарқанд вилоятига — Нуробод тумани Пўлат маҳалласида яшовчи таниши М.М.нинг туғилган кунини нишонлаш мақсадида борган. Шу куни соат тахминан 17:30 атрофида маҳалладан ўтувчи Каттақўрғон сув омборига чўмилиш мақсадида боришган.
У ерда бўлган қайиқ билан сув омборининг қирғоғидан тахминан 40 метр узоқликка сузиб боришган. Суратга тушмоқчи бўлишганида тартибсиз ҳаракатлар қилишгани сабабли мувозанатни йўқотиб, қайиқ ағдарилиб кетган. Натижада уларнинг 4 нафари — 21, 25, 22 ва 21 ёшли йигитлар чўкиб кетган, 3 нафари қирғоққа сузиб чиқа олган.
Олиб борилган қутқарув ишлари давомида бир киши — 21 ёшли О.Э.нинг мурдаси топилган. Ҳозирда қидирув-қутқарув ишлари давом этмоқда.
Вафот этганлардан икки нафари Каттақўрғон туманидаги тиббиёт техникумида ўқиган.
Ҳолат юзасидан туман прокуратураси томонидан терговга қадар текширув ҳаракатлари бошланган.
Мавзуга оид
16:59 / 05.04.2025
Паркентда шерлар қурбони бўлган қоровул иши бўйича суд ҳукми ўқилди
13:52 / 09.03.2025
Самарқандда кучли таъсир қилувчи дори воситалари савдоси билан шуғулланиб келган шахслар ушланди
16:25 / 26.02.2025
Самарқанд вилоятида яна икки туман ҳокимлари ўзгарди
18:59 / 13.02.2025