Қўшимча функционаллар
-
Тунги кўриниш
Самарқандда мактаб ўқувчисини итлар ҳамласидан қутқарган қаҳрамон йигит тақдирланди
Фото: Самарқанд шаҳар ҳокимлиги
Ижтимоий тармоқларда итлар ҳамласига учраган болакайни такси ҳайдовчиси қутқариб қолгани ҳақида видео тарқалди. Самарқанд шаҳрида яшовчи жасур ҳайдовчи йигит тақдирланди ва ота-онасига миннатдорчилик билдирилди.
Маълум бўлишича, ҳолат 2023 йилнинг 8 июль куни содир бўлган. Кўчадаги камера тасвирига тушиб қолган вазият кейинчалик ижтимоий тармоқларда тарқалган. Болакайни қутқаришда тезкор ҳаракат қилган таксичи йигитнинг қаҳрамонлиги тармоқ кузатувчиларида илиқ таассурот қолдирди.
Самарқанд шаҳар ҳокимлиги ахборот хизматининг хабар беришича, ўша куниёқ болакайга тиббий ёрдам кўрсатилган ва айни пайтда унинг ҳолати яхши.
Самарқанд шаҳар ҳокими Фазлиддин Умаров ҳамда шаҳар ички ишлар органлари фаолиятини мувофиқлаштириш бошқармаси бошлиғи Исматжон Ибрагимов боланинг ҳаётини сақлаб қолган 23 ёшли такси ҳайдовчиси Фирдавс Аҳмедов ва унинг ота-онасига миннатдорчилик билдирган.
Самарқанд вилоят ИИБ ахборот хизматининг хабар беришича, болакайга ташланган итлар ушланган ва карантинда сақланмоқда. Итларнинг эгасига эса Маъмурий жавобгарлик тўғрисидаги кодекснинг 110-моддаси (Ит ва мушук боқиш қоидаларини бузиш) билан маъмурий баённома расмийлаштирилган.
Мавзуга оид
17:56 / 18.04.2025
Самарқанд—Тошкент йўналишида қўшимча «Афросиёб» поезди қатнови йўлга қўйилади
17:01 / 08.04.2025
Самарқанд иқлим форумида қандай натижаларга эришилди?
14:48 / 08.04.2025
Самарқандда Имом Мотуридий ёдгорлик мажмуасини кенгайтириш учун 217 та тураржой биноси бузилади
10:47 / 08.04.2025